Bunıñ aqqında devlet başı öz Telegram-kanalında yazğan. 

“Bu yıl 18 mayıs bir kününen birleştirilgen eki manası. Bu kün 79 yıl evel şuralar akimiyeti, qırımtatarlarnıñ surgünligini başlağan. Mahv etmege, evden ve  ömürlik aqqından marum etmege tırışılğan halqnıñ. Amma halq saqlanılğan. Ve serbset olıp yaşaycaq! Bugün menim üstünde ukrain ve qırımtatar halqlarnıñ birligini timsal etken örnekli vışivankası. Küçümiz ve öz evimizde yaşamağa ıntıluvımıznıñ tisalleri”, - qayd etti Zelenskiy. 

Tafsilâtlıca oquñız: Ukrainada ve dünyada Qırımtatarlarnıñ genotsidiniñ qurbanlarına hatıra kününe tedbirlerni keçirerler

Ukraina prezidenti, bu yılda olayatqan Vışivanka künü, insanlarımız neni keçkeni ve medeniyetimiz nasıl küçlü olğanı aqqında hatırlaması olsun dep tilegen. 

“Totalitar rejimi sebebinden  can bergen bütün insanlarımızğa ebediy hatırasıdr! Halqlarımız, olarnıñ küç ve medeniyetini ürmet eteyik!”, - qayd etti Zelenskiy. 

Belli olğanı

• Er yıl 18 mayıs Ukrainada adet üzre qırımtatar halqnıñ surgünlik qurbanlarınıñ hatırasına bağışlanılğan memorial tedbirleri keçe. Bu kün 1944 senedeki vaqialarnı hatırlaylar. O vaqıt Qırımnıñ tamır halqı qırımtatarlar yarımadadan Orta Asiyağa ve Rusiyeniñ uzaq rayonlarına sürgün etilgenler. Umumen 180 biñden ziyade insan surgün etilgen edi. Yolda ve surgünlikniñ ilk yıllarda surgünlik yyerlerde açlıq ve hastalıqlar sebebinden qırımtatarlarnıñ 46% elâk olğan. 

Bizni Telegram'da oquñız