Bugün, 18 mayıs, qırımtatarlarnıñ tarihiy Vatanı - Qırımdan şuralar rejimi ile olarnıñ qanunsız sürgünliginiñ 79 yıllığına bağışlanğan Qırımtatar halqnıñ genotsid qurbanlarınıñ hatıra kününe tedbirler keçirilecek. 

Saat 12:00 Kiyevdeki demiryol vokzalında “Tarihnı hatırlaymız - territoriyamıznı qaytaramız” memorial tedbiri ötkerilecek. Onıñ teşkilâtçıları - Ukraina ombudsmenniñ ofisi, Qırımtatar halqnıñ Meclisi, “Qırım.SOS” ve İnsan aqları Zmina merkezi cemaat teşkilâtlarıdır. 

Kiyev vilâyetindeki Vışneve ş. Kiyev DVM reberligi, Vışneve territorial cemiyetiniñ şeer başı,Meclis vekilleriniñ iştirağı ile memorial tedbiri ötkerilecek. Tedbir vaqtında “Haytarma” filmni kösterecekler. 

Lutskta saat 11:00 siyasiy basqılarnıñ qurbanlarına abidesine çiçeklerniñ alıp ketirüv merasimi, saat 13:00 Volın vilâyetindeki gençler kitaphanesinde rekviyem-tedbiri keçecek. 

Adeste Qırımtatar halqnıñ genotsid qurbanlarınıñ hatıra kününe  Adesteki şeer kitaphanesi ve “Planeta” kinoteatrda memorial tedbirler planlaştırılğan. 

Lvivdeki totalitar rejimlerniñ müzeyinde hatıra dersi olıp keçecek, daa şeerde genotsidniñ yıllığı sebebinden dua planlaştırılğan. Ayrı tedbirler Mıkolayiv ve Ukrainanıñ başqa vilâyetlerinde azırlanılalar.

Türkiyede mevzuiy tedbirlerniñ sırası, Eskişehir ve İstanbul şeerlerinde keçecek. 

Pragada Milliy azlıqlar evinde memorial tedbiri keçirilecek. 

18 mayıs Varşavada (Poloniya) “Haytarma” filmni kösterecekler, tedbirge rejissör Ahtem Seyitablayev davet etilgen. 19 mayıs “Tınç-21” filmni köstererler, rejissör Ahtem Seyitablayevnen reberliginde sanaiy taqımınen körüşüvi olıp keçecek. 

Berlinde “Almaniya” 18 mayıs qırımtatar ve ukrain cemiyetler Branderburg araba qapıları yanında kütleviy numayışnı keçirerler. Litvaniyada bugün ukrain ve qırımtatar cemiyetlerniñ umumiy yürüşi planlaştırılğan, Kanadada ise qırımtatar cemiyeti tedbirlerni parlamentte keçirecek. 

Bundan da ğayrı, 15-21 mayıs içinde Kiyev şeeriniñ tarih müzeyinde sürgünlikten aileniñ qaytuvından soñ Qırım aqqında hatıralarına bağşlanğan Leonora Yankonıñ “Balıqlavadaki arman ayındaki keyfiyeti” resiminiñ sergisi keçirilecek. 

15-21 mayıs içinde Qırımda yaratılğan ya da ukrain yarımadasına bağışlanğan genç ve belli ukrain ressamlarnıñ işleriniñ taqımiy sergisidir. Vaqia, Palmgren hanımınıñ sanaat gallereyasında ötkerilecek. 

15-21 mayıs içinde “Kiyev resim gallereyası” Milliy müzeyinde Qırımğa bağışlanğan Rustem Skibinniñ levhasınıñ sergisi keçirilecek. 

Bizni Telegram'da oquñız