Qırımnıñ işğal akimiyeti, Ukrainağa yarımadanıñ qoşuluv aqiqatını lâğu etmege istey

Присяжнюк Владислава, Анна Романченко
·
18:22, 16 Quralay
Qırımnıñ işğal akimiyeti, Ukrainağa yarımadanıñ qoşuluv aqiqatını lâğu etmege istey
Foto menbası: УНІАН

Yarımadanıñ işğal akimiyeti, tecavuzcı ülkesiniñ Anayasa makemesine 1954 senesi Ukrainağa Qırım territoriyasınıñ alıp berilmesine dair şuralar akimiyetiniñ emiriniñ lâğu etilmesine dair muracaat etecek. Sebebi - birleşme añlaşmasınıñ çerçivelerinde uquqiy tafsilâtlarına riayet etmemesidir.

Qırım “akimiyetiniñ” baş degeni Vladimir Konstantinov, Ukrainağa Qırımnıñ alıp berilmesine dair 1954 senedeki emiriniñ lâğu etilmesine dair RF Anayasa makemesine muracaatınıñ azırlanuvı boyunca işniñ başlaması aqqında bildirdi, yaza RİA "Haberler".

“ “RŞFSC terkibinden UŞSC terkibine Qırım vilâyetiniñ alıp berilmesine dair” SCŞB Yuqarı Şurasınıñ prezidiumınıñ emiriniñ lâğu etilmesi aqqında Anayasa makemesine muracaatı üzerinde işini başlamağa teklif etem”, - dedi Konstantinov. 

Qırımdan Federatsiya Şurasınıñ senator degeni Sergey Tsekov, rusiye jurnalistlernen muzakeresinde Ukrainağa yarımadanıñ alıp berilmesine dair 1954 senedeki şuralar akimiyetiniñ qararınıñ resmiy lâğu etilmesini desteklegen. 

Tafsilâtlıca oquñız: Qırım “parlamentiniñ” işğal başı Vladimir Konstantinov, yarımadanıñ “akimiyeti”, küzde Herson vilâyetiniñ işğal etilgen qısımında qanunsız “parlament saylavlarnı” teşkil etmege yardım etecegini bildirdi

Suspilne Qırım, Qırım MC’de Ukraina prezidentiniñ sabıq vekili, halqara uquqçı Boris Babinen böyle qarar nege tesir eticegine dair subetleşken. 

“SCŞB dağıluvından soñ RF, Ukrainanen añlaşmalarnıñ sırasını tizip, bunen beraber Dostlıq, işdeşlik ve ortaqlıq aqqında añlaşmalarnı, onıñ territorial bütünligini çoq sefer tasdıq etken edi. Şuralar cumhuriyetlerniñ seviyesinde bir şeyni keçken kününen lâğu etmege aqqı, uquqiy tarzda iç bir manasını taşımaz”, - tefsir etti Babin. 

Belli olğanı

  • 2014 senesi saban aynıñ 16 Qırımda saat sekizde Rusiyenen işğal etilgen yarımadasınıñ statusına dair qanunsız rey berüvi başlanğan. 
  • 2014 senesi saban aynıñ 27 BMT Baş assambleyası, Ukrainanıñ territorial bütünligine destegi aqqında qararını qabul etken. Ukraina, Avropa Birligi ve büyük yyedilik ülkeleri Rusiye Federatsiyasınen teşkil etilgen yarımadadaki qanunsız “referendumını” tanımağanlar. 
  • Qırım vilâyeti, RŞFSC terkibinde 1954 senesi uvut aynıñ 19 qadar bulunğan edi. Aynı künü SCŞB Yuqarı Şurasınıñ prezidiumı, Ukrain ŞSC terkibine akimiyetiniñ alıp berilmesi aqqında emirini çıqarğan. Teşebbüsçısı, Nikita Hruşçov sayılmaqtadır. Şuralar Birliginiñ dağıluvından  soñ yarımada Ukrainanıñ terkibinde qalğan. 

Bizni Telegram'da oquñız