Bunıñ aqqında Qırımtatar resurs merkeziniñ idare başı Eskender Bariyev “Ğromadske radio”nıñ yayısında haber etken. 

Qayd etkeni kibi, rusiyelilernen işghal etilgen Qırımda patlavlar sebebinden bir taraftan, rusiye AQM yyerli sakinlerni imaye ete dep ilân etüvlerni tarqatmağa tırışalar, başqa taraftan ise - faal sürette mekteplernen çalışalar. 

Tafsilâtlıca oquñız: İşğalcılar soñki çan arfesinde Aqyardaki mekteplerde telükesiz tedbirlerni quvetleştireler

“Olar mektep müdirlerni toplap olarğa talimatlarnı alıp bere ediler; quru aşayt mallarnı alıp ketirmek kerek olğanını aytqan ediler. Daa mektep müdirleri anbarlarnı azırlasıñlar ve balalar mekteplerge öz suv, başqa şeylerni alıp ketirsiñler dep ana-babalarğa talimatlarnı bersiñler dep aytqan ediler”, - tarif etti Bariyev. 

Tafsilâtlıca oquñız:  Aqyarda patlavlardan soñ AQM sayısını arttırırlar

QRM başınıñ malümatlarına köre, bu künler içinde rusiyeliler 34 yaşında olğan erkegini Ukraina Silâlı Quvetlerine rusiye tehnikasınıñ alıp keçirilmesi aqqında malümatnıñ alıp berilmesinde qabaatlap tutıp aldılar. İşğalcılar erkekniñ tutıp aluvı aqqında malümatnı gizlep onıñ şahsiy malümatlarnı paylaşmaylar. 

Bizni Telegram'da oquñız