Bunıñ aqqında “Qırım ukrainler” CT Facebook’ta bildirgen. 

“Menimce, o, bedava qullanuv añlaşması olacaq. Er alda o, devletnen qanuniy munasebetler olacaqlar, olarnıñ esasında mülk alıp berilip ameldeki qanuniyetine köre qullanılacaq. Evelki kiracılar qanundaki bütün talaplarnı eda etken olsa ediler, bir şey olmaz edi. Amma teşkilât, Rusiye Federatsiyasınıñ qanunlarına binayen yaşamağa istemegen. Birev qanunlarını bozmağa istegenine köre, er kes olarnı bozmaz”, - tefsir etti Dobrınâ. 

Şunı hatırlattı ki, Rusiyenen Qırımnıñ işğalinden soñ devlet mülknı qullanğan uquqiy ve başqa şahıslar RF qanunlarına köre yañıdan resmiyleştirilip kira añlaşmalarnı yañıdan tizmek kerek ediler. 

“Aynı bu vaziyette  teşkilât yañıdan resmiyleştirilmegen. Onen añlaşmalarnı uzun vaqıt içinde keçire ediler. Olar din teşkilâtı olaraq bedava qullanuv añlaşmasını yañıdan tizip qullanğanları kibi qullanmağa devam etmek kerek ediler. Amma bu alda Mal mülk ve topraq munasebetler nazirligi olğan saip vekilleri bu meselede añlaşmamazlıqqa rastkelip makemege muracaat etmege mecbur oldılar”, - añlattı işğalcılarnıñ tarafdarı. 

“RPK qırım mitropoliyasında” UPK katedral kilsesiniñ öz saipligine qanunsız aluvını daa tefsir etmegenler. 

Tafsilâtlıca oquñız: UPK Aqmescit ve Qırım miropoliti Kliment, Ukraina akimiyetini Qırımda işğalcılarnıñ areketlerine cevap bermege rica ete

Cemaat birleşmesinde hatırlatqanları kibi, 2014 senesi işğalcılar o vaqıt USQ arbiy qısımlarnıñ territoriyasında yyerleştirilgen Kiyev patriarhatınıñ Ukrain pravoslav kilsesine ait olğan eki ibadethanesini zapt etti: Aqmescit rayondaki Perevalnoye köyünde Pokrov ibadethanesi ve Aqyardaki Petropavlovsk ibadethanesi aqqında söz kete. Eki ibadethanesi işğalcılar MP UPK Qırım ve Aqmescit yyeparhiyasınıñ qullanuvına alıp bergenler. 

Qırımnıñ rusiye işğali vaqtında QP UPK cemiyetleri içün binalarnı bergen kiracılarına basqısı neticesinde parafiyalar hızmet içün yyerlerden marum etilgenler. 

2021 senesi arman ayında rusiye quvetçileri Qarasuvbazar rayondaki Balki köyünde aziz Dimitriy Solunskiy adına UPK ibadethanesiniñ başı Damian b. “qanunsız missioner faaliyeti” içün cöreme ödetip bu kilseniñ territoriyasına kirgenler. 

“Qırım parlamentiniñ baş” degeni Konstantinov, moskvalı patriarhatınen birleştirilgen ukrain pravoslav kilsesini nevbetteki sefer qorçalıp “kiyev rejiminiñ arbiy yolu ile mahv etüvi” ile “Ukrainanıñ halqı”nen beraber onı “qurtarmağa” istegini bildirgen. Daa “Ukrainada ananeviy pravoslavlığınıñ yoq etüvi” aqqında ilân etken. 

“Ukrain cemiyetinen vaziyeti o qadar ihmal etilgen ki, onıñ tedaviylemesi, yani denatsifikatsiyası ögüne onı yyeñmek, yani millitarizatsiyadan marum etmek kerek. Arbiy yyeñüvi, kiyev rejiminiñ arbiy rejiminiñ mahv etüvi kerek. Ahlâqsız ve şeytan cemiyeti, er bir alda yaşamaz, amma cinayet devletini ne qadar tez yoq etsek, o qadar çoq pravoslav göñülini qurtarıp olurmız”, - bildirdi işğaljılarnıñ tarafdarı.

Belli olğanı

• Cumaaqşamı künü, mayıs aynıñ 11 Aqmescitteki rusiye işğalcıları Ukraina Pravoslav kilsesiniñ Katedral kilsesini zapt etmege tırışqan ediler. Qapılarnı parlap UPK malnı hırsızlap ibadethanesine kelgenlerini kirsetmegen ediler. 
• Qırımda Kiyev patriarhattaki Ukraina pravoslav kilsesiniñ (Birleştirilgen katedral kilsesinden soñ - Ukraina Pravoslav kilsesi) basqıları ve taqip etüvleri işğalnıñ ilk künlerden beri bugünge qadar süreler. 
• 2022 senesi qara qış aynıñ 3 MTMŞ, vaqtınca işğal etilgen yarımadasında UPK Qırım yyeparhiyasınıñ malnıñ saipleştirüvi aqqında “makeme qararlarnıñ” çıqarılmasına alâqalı olğan 18 şahısına sanktsiyalarnı qullanılğan. 2022 senesi qara qış aynıñ 21 Ukraina prezidenti Vladimir Zelenskiy, uyğun emirini imzalağan. 

Bizni Telegram'da oquñız