““Qırım yolı” vesiqalı programmasınıñ qaramanları işğalnı yaşağan Herson sakinleri olalar. Olarnıñ arasında eki qırımtatarı: Ayşe Ganiyeva ve Ayşe Mamina. Olar rusiye tecavuzına tirenüv olaraq bumayışlarğa çıqqan ediler ve bütün telükelerine baqmadan şeerde qalıp Hersonnıñ serbest etüvini bekley ediler. O, Hersondaki hastanelerniñ birinde çalışqan ekim Eldarnıñ ikâyesi de. Erkek, işğal içinde şeerde qalğan edi. Onıñ üç ağa qardaşı, alâ daa Qırımda işğal şaraitlerde qalalar. Telükesizlik  sebebinden programmamızda betlerni köstermeymiz ve Eldarnıñ sesini deñiştirdik”, - dey leyha müellifi, Suspilne Qırımnıñ prodüseri Ruslan Halapov. 

Progeammada içtimaiy-ruhiyat reabilitatsıya merkeziniñ müdiri Vladimir Sagaydak ta iştirak etken. Büyük miqyaslı ücümi vaqtında bu merkezde 3 yaşından başlap 17 yaşına qadar 52 başa bulunmaqta edi. 

“Rusiye-ukrain cenkniñ büyük miqyaslı deviriniñ ilk künden beri Vlafimir Sagaydak, merkezge köçip balalarnen yaşay edi, – tarif ete Rusian Halapov. – “Qırım yolı” vesiqalı programmasınıñ iştirakçıları arasında arbiy hızmetçisi, ilk rangdaki kapitanı Yüriy Loşak ve “Qırım” mahsus bölüginiñ reberi Isa Akayev. 2014 senesi rusiye işğaliniñ başlanuvından beri Qırımnı terk etmege mecbur olıp ülkeni imaye tmege başladılar”.

Leyha taqımına öz ikâyeni 2018 senesi rusiye işğalcılarnıñ işkencelerni yaşağan kremlniñ sabıq siyasiy mabusı, göñülli İsmayil Ramazanov da tarif etken. Ukrainağa rusiyeniñ büyük miqyaslı ücüminden soñ Ukraina Silâlı quvetlerdeki territorial mudafaasınıñ terkibinde Kiyevni imaye etmege ketken. 

“Qırım yolı”nı Suspilne Qırımnıñ YouTube saifesinde ve mayıs aynıñ 16’dan 19’na qadar saat 16:45 Suspilne telekanallarında tekrarını seyir etiñiz.