Eñ azdan 57 ıntıluvı: jurnalistler RF ve işğal etilgen Qırımda yılnıñ başlanuvından beri diversiyalarnıñ miqdarını sayğanlar
2023 senesiniñ başalnuvından beri RF ve vaqtınca işğal etilgen Qırım territoriyasındaki demiryollarda, rusiye mudafaa nazirligi ve energetika obyektlerinde diversiyalarnıñ eñ azdan 57 ıntıluvı olıp keçken.
Bunıñ aqqında “Vörstka” bildire.
Qayd etilgeni kibi, diversiyalarnıñ 25% mayısnıñ 13 künü içinde olıp keçken.
“Qara qış ve uvut aylarda cenkke qarşı numayış etken vatandaşlar diversiyalarnıñ 12 ıntıluvını yapqanlar. Saban ayında olarnıñ sayısı, yyedige qadar tüşken, çiçek ayında ise kene de 12’ne ösken. Mayıs ayında ise - 11 kün içinde devlet saipliginiñ eñ azdan 14 ıntıluvı ötkerilgen”, - denile beyanatta.
Neşriyatnıñ malümatlarına köre, diversiyalarnıñ eñ tarqatılğan soyu - demiryollarnıñ ateşke bermesi, yılnıñ başlanuvından beri böyle kibi 36 vaqiası aqqında belli.
Raghbetligine köre, ekinci soyları - arbiy kommitetlerniñ ateşke berüvi, 9 kere olğan edi.
Daa demiryollarnı boza ediler, gaz borusını patlata ediler, milis maşnalarda, FTH binasında, Rosgvardiyasınıñ anbarında ve RF askerleri içün gumanitar yardımınıñ toplav merkezinde yanğın çıqarğan ediler.
Menba: Telegram/ Vörstka
Yılnıñ başlanuvından beri işğal etilgen Qırımnen beraber 26 vilâyette diversiyalar ötkerilgen edi.
Eñ çoqusı, Moskva, Novosibirsk, Leningrad vilâyetlerde ve Sankt-Peterburgda ötkerilgen edi.
Belli olğanı
- “Azatlıq radiosı”nıñ “Qıırm.Aqiqatı” leyhasınıñ jurnalistleri vaqtınca işğal etilgen Qırımda rusiye arbiylerniñ 200 ziyade çalışqan, vaqtınca ve qapatılğan obyektini tapıp interaktiv haritasını yaptılar.
Bizni Telegram'da oquñız
