Qırımdan rusiyelilerniñ quvuluvından soñ onı uzun vaqıt devamında yañartmaq kerek olacaq - Zelenskiy
![Qırımdan rusiyelilerniñ quvuluvından soñ onı uzun vaqıt devamında yañartmaq kerek olacaq - Zelenskiy](/pub/cdn/1647435584_Володимир Зеленський.jpg)
Ukraina prezidenti Vlafimir Zelenskiy ilân etkeni kibi, Qırım, 2014 senesindeki işğalinden evel “güzel mirası”ndan “ihmaline” çevirilgendir. Bu sebepten rusiyelilerniñ quvuluvından soñ yarımadanı uzun vaqıt devamında yañartmaq kerek olacaq.
Bunıñ aqqında o, İtaliyada jurnalistlerge bildirgen.
“Bu ülke (Rusiye), olarğa ğayıp etilgen turizm ve ğayip etilgen insanlarnı alıp ketirgen. Anda ne iqtisadiyat, ne de yaşayış bar”, - bildirdi Vlafimir Zelenskiy.
Devlet başı, Ukrainadız yarımada yaşap olamaycağını da qayd etken. Em de, baştan Rusiyege qol tutqan rusiyeliler bile ğayip etüvlerden ğayrı, bu ülke olarğa bir şeyni ketirmegenini añlağanlar.
Tafsilâtlıca oquñız: Yüqarı Şurasında Qırımnıñ deokupatsıyası içün ilk nevbette yapılacaq adımlarnıñ strategiyasını taqdim etkenler
Daa şunı qayd etti ki, rusiyelilerniñ quvuluvından soñ yarımadanı uzun vaqıt devamında yañartmaq kerek olacaq, çünki işğalcılar bir şeyni qaldırmağanlar.
Zelenskiy, Ukrainadaki referendumından qorqmağanını da bildirgen. Ve şunı hatırlattı ki, ukrain qabunlarına binaen, referendum, tek Ukrainanıñ bütün territoriyasında keçirilebile. Buna köre, ülkemizniñ ayrı qısımlarında “halqara rey berüvlerni” keçirmege bütün ıntıluvlar qanunsız olalar.
“Referendumdan qorqmaymız, o, Ukraina Anayasasına uymay, çünki Qırım Muhtar Cumhuriyeti, ülkemizniñ terkibine kire”, - qayd etti prezident.
Bundan da ğayrı, Zelenskiy, böyle “referendumlarnı” separatizmnıñ kösterüvi ve devletimizniñ qanunlarınıñ bozuluvı olğanını aytqan.
Belli olğanı
- QMC’de Ukraina Prezidentiniñ daimiy vekili Tamila Taşeva, deokupatdıyasından soñ Qırımda saylavlarnıñ keçirilmesi aqqında tarif etken.
- Ukraina Milliy telükesizlik ve mudafaa şurasınıñ kâtibi Aleksey Danilov ilân etkeni kibi, Ukraina, RF işğal etilgen Qırımnı “kerek olacaq usulı ile serbest etecek”.
Bizni Telegram'da oquñız