Qırımnıñ deokupatsiyasından soñ siyasiy mabuslarnıñ episini davalarnıñ yañıdan baqımasız serbest etecekler - Taşeva
Qırım MC’de Ukraina prezidentiniñ daimiy vekili Tamila Taşeva ilân etkeni kibi, işğalcılarnen sahtelengen qabaatlavlar sebebinden apishanelerde bulunğan siyasiy mabuslarnıñ episini ukrain akimiyeti, Qırım yarımadasınıñ serbest etüvinden soñ davalarnıñ yañıdan baqımasız azat etecek.
Bunıñ aqqında o, “Ukrain aqiqatı” içün öz sutunında bildirgen.
QMC’de Ukraina prezidentiniñ daimiy vekiliniñ sözlerine köre, işğalniñ bütün 9 yıl içünde Qırımda “makemeler” sahtelengen davalar boyunca Ukraina vatandaşlarına qanunsız ükümlarnı çıqaralar. Ukrain vatandaşları içün adaletligine irişmek içün işğal makemecilerniñ er qararını ayrı intizamda yañıdan baqmaq kerek.
Tafsilâtlıca oquñız: Qırımnıñ ve Donbassnıñ deokupatsıyasınds soñ “yengil ukrainizatsıyası” kerek olacaq - Medeniyet nazirliginiñ başı
“Amma ögümizde ameliyat, nevbetlik ve yañıdan baquvınıñ müimligi. İlk nevbette insan aqlarını qayd etken ve taraflardan biri işğal memuriyetleriniñ alâqası olğan davaları aqqında söz ketecek. İşğal makemelerniñ ükümlarınen işğalcılardan sahtelengen qabaatlavlar sebebigden azatlıqtan marum etilgen yerlerinden bulunğan siyasiy mabuslarımıznıñ episi, davalarnıñ yañıdan baqımasız serbest etilecegi belli. Amma er bir alda yañıdan baqılmasını talap etken davaları bar ve aynı bunıñ içün makeme organları içün endi şimdi kadr yyedegini azırlamaq kerek”, - qayd etti o.
Belli olğanı
- QMC’de Ukraina Prezidentiniñ daimiy vekili Tamila Taşeva, deokupatdıyasından soñ Qırımda saylavlarnıñ keçirilmesi aqqında tarif etken.
- Ukraina Milliy telükesizlik ve mudafaa şurasınıñ kâtibi Aleksey Danilov ilân etkeni kibi, Ukraina, RF işğal etilgen Qırımnı “kerek olacaq usulı ile serbest etecek”.
- Vaqtınca işğal etilgen Qırımda Ukraina vatandaşları, ayrıca qırımtatarlar içün saçma-sapan ükümlarnıñ sayısı artqan. O, yarımadada ukrain tarafdarlığını köstergen tirenüv areketlerni toqtatmağa istegen işğal akimiyeti ve onıñ tarafdarlarınıñ telâşını tasdıqlay, qayd etti QMC’de Ukraina prezidentiniñ daimiy vekili Tamila Taşeva.
Bizni Telegram'da oquñız