Bunıñ aqqında Yalkabov, “Zonatelekom” türme bağı ile ömür arqadaşı Aliyeni bildirgen, haber ete “Qırım birdemligi”. 

Ömür arqadaşınıñ sözlerine köre, tizlerde büyük ağrısı sebebinden namaznı oturıp qılmağa mecbur. 

“Daa psoriaznen çekişmege başlağan, 25 kilogramğa azğan”, - dep qoştı o. 

Siyasiy mabusnı 2022 senesi ilk qış ayında Novoçerkassktaki taqiqatından Dimitrovgraddaki apishanesine alıp ketirgenlerde cezahanesine sıq yollap şahsiy işlerini musadere etip onı hor köre ediler. 2023 senesi uvut aynıñ 9’dan mayıs aynıñ 5’ne qadar toqtalmayıp üç ay cezahanesinde keçirgen. 

Sürekli astması bar, amma rusiye apishanesiniñ memuriyeti, böyle hastalığını cezahanesine keçirilmesi içün tibbiy yasağı kibi saymağan edi. Dimitrovgraddaki koloniya memuriyetiniñ areketlerine Yalkabovnıñ ömür arqadaşı, Ülyanovsk vilâyetinde insan aqları boyunca mesülietli olğan Sergey Lülkovğa onıñ aqayına dair çoq sayılı bozuluvlar sebebinden şikâyet etken edi. 

Belli olğanı

• 2022 senesi uvut aynıñ 17 Aqmescitte Timur Yalkabovnı yaşağan yeri boyunca tahqiqiy tedbirlerniñ keçirilmesinden soñ Qırımdaki işğal FTH’ne yolladılar, bundan soñ tevqif etip makeme-ruhiyat teşkerüvlerine yolladılar. Onı ve aynı künde tutıp alınğan daa bir qaç qırımtatarına RF CK 205.5 maddesinde ve RF CK 278 maddesinde qabaatlaylar. 
• Aynı senesi saban aynıñ 22 Rostov-na-Donudaki Cenübiy arbiy bölge makemesi, Qırımdan siyasiy mabusları Timur Yalkabov ve Lenur Seydametovğa qabaatlav ükümni ilân etken. Qırımtatar faallerni qattı nizamlı koloniyasında 17 ve 13 yılına mahküm ettiler. Davanı üç makemeci - Saprunov Roman, Zubairov Rizvan, Grişin Sergeyden ibaret kollegiyası baqqan edi. 
• Qırımtatar siyasiy mabusını ilk qış aynıñ 20 Novoçerkassktan Dmitrovgrad şeerine keçirdiler, 2023 senesi uvut aynıñ 9 onı cezahanesine yerleştirdiler, anda Yalkabov mayıs aynıñ 5 qadar tahminen üç ay bulunğan edi.

Bizni Telegram'da oquñız