Camala, Liverpulda çıqışı vaqtında qırımtatar siyasiy mabuslarnı ve Leniye Umerovanı qayd etken

Любезна Катерина
·
11:03, 12 Quralay
Camala, Liverpulda çıqışı vaqtında qırımtatar siyasiy mabuslarnı ve Leniye Umerovanı qayd etken
Foto menbası: facebook.com/umerov.azeez

Ukrain yırcı Camala, mayıs aynıñ 11 Liverpulda “2023 Avropalı yır yarışması”nıñ ekinci yarım finalı ögünde yañı QIRIM albomınıñ taqdim etüvi vaqtında yüzlerce qırımtatar siyasiy mabusını qayd etken, olardan ğayrı mayıs aynıñ 12 Rusiye tarafından resmiy tarzda qabaatlanmaq kerek olğan Leniye Umerovanı da. 

Bunıñ aqqında Rusiyede tevqif etilgen qırımtatarınıñ ağası Aziz Umerov Facebook’ta haber etti

“Dostlarımız Camala ve Seyit-Bekir Suleymanovğa (Camalanıñ çmür arqadaşı) Liverpulda Qırım albomınıñ taqdim etilmesi vaqtında Leniye ve başqa qırımtatar siyasiy mabuslar aqqında qayd etilmesi ve destegi içün teşekkürler bildiremiz. Leniyenen şimdiki vaziyeti şusı ki, yarın mayıs aynıñ 12 oña resmiy tarzda qabaatlavlarnı çıqarmaq kerekler. Dava gizli , advokattan dava tafsilâtlarnıñ tarqatmaması aqqında senetini alğanlar”, - yazdı o. 

Ümerov, er istegenine öz yazısı astında ya da şahsiy beyanatlarda onıñ qız qardaşına destek sözlerini bildirmege teklif etken, o ise - advokatlarnen beraber Leniyeniñ ruhınıñ köterilmesi içün onen paylaşmağa tırışırlar. Daa “Serbest Qırımğa mektüpler” tedbiriniñ çerçivelerinde oña mayıs aynıñ 27 qadar mektüpni yazmaq mümkün.

Tafsilâtlıca oquñız: Serbest etilgen Qırımğa mektüpler: Ukrainada qırım siyasiy mabuslarnıñ destegi boyunca tedbiri başlanılğan

 

Belli olğanı

  • 2022 senesi ilk qış ayından beri RF akimiyeti, 25 yaşında olğan qırımtatarı Leniye Ümerovanı qanunsız tarzdı tuta, onıñ adına endi bir qaç memuriy protokolını tizdiler. İlk sefer sanki dersin vesiqalarnı berey edi, soñra telefonnı, başqa ekisini “maşnadan çıqmayıp isyanlıq bildirgeni” içün eken. 
  • Suspilne Qırım, Leniyeniñ ağası Aziz Ümerovnen muzakere etken. O, ukrain pasportnıñ bar oluvı ve rusiye soyundan red etüvi içün RF’nen mahküm etilgen qız qardaşınıñ ikâyesini tarif etken.
  • Qırım uquq qoruyıcı gruppasınıñ başı Ölga Skripnik, RF territoriyasında cezahanesinde qırımtatarı Leniye Ümerovanıñ bulunuv müddetlerniñ daimiy uzatılması içün esaslarnı aytqan. Daa uquq qoruyıcı, qıznı işğalcılardan serbset etip evge qaytarabilgen yollarını aytqan. 
  • Moskvadaki Lefkortovo rayon makemesi, rusiyelilernen Şimaliy Osetiyada 5 ay devamında apishanede tutulğan qıırmtatarı Leniye Umerovanı tevqif etken.
  • 5 ay devamında rusiyelilernen Şimaliy Osetiyadaki apishanede, keçende ise moskvalı Lefortovo cezahanesine alıp keçirilgen ve anda casuslıqta qabaatlanıp tevqif etilgen qırımtatarı Leniye Umerovanıñ imaye tarafı, Moskvadaki Lefortovo rayon makemesiniñ sıñırlama tedbirini şikâyet etmege planlaştıra. 

Bizni Telegram'da oquñız