Siyasiy mabusı Nariman Celâlovnı işğal etilgen Aqmescitte FTH tahqiqat tevqifhanesine alıp keçirgenler

Любезна Катерина
·
09:57, 12 Quralay
Siyasiy mabusı Nariman Celâlovnı işğal etilgen Aqmescitte FTH tahqiqat tevqifhanesine alıp keçirgenler
Foto menbası: crimean-solidarity.org

Qırımtatar halqnıñ Meclis başınıñ ilk muavini, siyasiy mabusı Nariman Celâlovnı vaqtınca işğal etilgen Aqmescitte FTH tahqiqiy tevqifhanesine alıp keçirdiler. 

Bunıñ aqqında advokatlar Qirim Gayesi uquq qoruyıcı birleşmesine haber ettiler

“17 yılğa azatlıqtan marum etüvine mahküm etilgen qırımtatar halqnıñ Meclis baş muavini Nariman Celâlovnı FTH tahqiqat tevqifhanesine alıp keçirdiler. Keçken yıl açılğan 2’ci taqiqat tevqifhanesini evelden tek FTH qabaatlanğanlarını ve işğal etilgen yañı territoriyalarından hırsızlanğan grajdan şahıslarnıñ tutuvı içün qullana ediler”, - denile beyanatta. 

Tafsilâtlıca oquñız: “Nariman Celâlnı vaqtından evel serbest etmege yekâne fırsat - deñişüvdir”, - Nikolay Polozov

Belli olğanı

  • İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemov, Şevket Üseinov ve qırımtatar halqnıñ Meclis başı Nariman Celâlnı). 
  • İlk küz aynıñ 6 işğal “makemesi”, tutıp alınğan qırımtatarlatnı tevqif etken
  • 2022 senesi ilk küz aynıñ 21 Qırım Yuqarı işğal makemesi, Qırımtatar halqnıñ Meclis başı Nariman Celâlğa, cemaat jurnalisti Asan Ahmetov ve onıñ ağası Aziz Ahtemovğa üküm çıqarğan. Narimannı 17 yılğa tevqif etip 700 biñ ruble miqdarında cöreme ödettiler. Asan Ahtemovnı 15 yılğa tevqif ettiler, onıñ ağası Aziznı ise - 13 yılğa. Er kesge 500 biñ ruble miqdarında cöreme ödettiler. 
  • Nariman Celâlov, öz mektübinde rusiyelilernen zapt etilgen Qırımda RF makeme sistemasını ve rusiye cemiyetini "yalan hastasında" qabaatlağan

Bizni Telegram'da oquñız