Bunıñ aqqında Rusiyeniñ tahqiqat komitetine advokatnıñ uyğun arizasında denile. 

Ayrıca, Yahin, Novoçerkasskqa siyasiy qırımm mabusınıñ alıp keçirilmesi vaqtında Rostov vilâyeti boyunca Rusiye cezalarnıñ eda etüv federal hızmetiniñ 5’ci tahqiqat tevqifhanesindeki hadimlerniñ ve Rusiyedeki 61’ci CEFH tibbiy-sanitar qısmınıñ teşkerüvini talap etken. 

Daa imayeci, Cemil Gafarovğa acele tibbiy yardımı alıp berilgenmi dep teşkermege rica ete. Advokat, cinayet alâmetleri belli etilse, bunda qabaatlı olğanlarını cinaiy mesüliyetligşne celp etmege talap ete. 

Suspilne Qırımnı bildirgeni kibi, şimdi TK’den cevabını bekley.

Tafsilâtlıca oquñız: Onıñ ölüvi, halq içün büyük şok oldı: işğal etilgen Qırımda Gafarov siyasiy mabusını kömmdiler

Belli olğanı

• Dört yıl içinde Cemil Gafarov, tahqiqat tevqifhanesinde keçirip rusiye makemesini oña ev tevqifi kibi başqa sıñırlama tedbirini seçip almağa rica etken edi, amma müsbet cevabını alamağan. 
• Qara qış ayında Cenübiy arbiy bölge makemesi, “ekinci aqmescitteki” Hizb ut-Tahrir gruppasınıñ davasında üküm çıqarğan: Alim Karimov, Seyran Murtaza, Erfan Osmanov, Cemil Gafarov ve Servet Gaziyevge ve 13 yıl müddetine azatlıqtan marum etüv şeklinde cezasınj tayin etken. 
• Ukraina tışqı işler nazirligi, Ukraina vatandaşları Servet Gaziyev, Cemil Gafarov, Alim Karimov, Seyran Murtaza ve Erfan Osmanovğa Rostov-na-Donudaki rusiye makemesinne alıp çıqarılğan ükümlerni mahküm etip masqaralı dep adlağan. 
• Qara qış aynıñ 14 mahküm etilgen qırım siyasiy mabusı Cemil Gafarovnıñ alı “birden kerginleşkeni” belli oldı. 
• Uvut aynıñ 10 advokatlar Novoçerkasskta 3’ci tahqiqat tevqifhanesinde Rostov-na-Donudaki 5’ci tahqiqat tevqifhanesinden keçirilmesinden soñ eki kün tutulğan siyasiy mabusınıñ ölüvi aqqında haber aldılar. 

Bizni Telegram’da oquñız