İşğalcılar Aqmescitte UPK Katedral kilsesini zapt etmege tırışalar

Любезна Катерина
·
13:00, 11 Quralay
İşğalcılar Aqmescitte UPK Katedral kilsesini zapt etmege tırışalar
Foto menbası: wikipedia.org

Cumaaqşamı künü, mayıs aynıñ 11 Aqmescitteki rusiye işğalcıları Ukraina Pravoslav kilsesiniñ Katedral kilsesini zapt etmege tırışalar. Qapılarnı parlap UPK malnı hırsızlap ibadethanesine kelgenlerini kirsetmegen ediler. 

Bunıñ aqqında UPK Qırım Yeparhiyası ve Aqmesci t ve Qırım mitropoliti Andrey Şçekunnıñ icracısı Suspilne Qırımnıñ tefsirinde bildirgen.

Şimdi UPK vekilleri Aqmescitteki katedral kilsesinde işğalcılarnıñ cinayet aqiqatlarnı toplap vesiqalaştıralar. 

“Ve bu malümatlarnı Qırım MC Prokuraturasına azırlaycağımız”, - dep qoştı Şçekun. 

Onıñ sözlerine köre, iç bir şeyni añlatmayıp ve din cemaatı ve kilse hızmetçilerni ihtar etmeyip rusiyeliler ibadethanesiniñ qapılarnı parlap UPK malını hırsızlamağa başladılar.

“Qanunsız areketlerde “RF Qırım cumhuriyetteki hızmet vekillerinen” beraber “RF Qırım cumhuriyetiniñ mal fondı” degeniniñ vekilleri iştirak eteler”, - qayd etti UPK Qırım Yeparhiyasınıñ icracısı öz Facebook saifesinde. 

Bundan da ğayrı, Qırımda UPK ibadethanesiniñ zapt etüvini moskvalı makeme vekili Yevgeniy Novikov idare etkenini belli olğan. 

“Ukraina telükesizlik hızmeti, UPK nedir niayet añlap Lavrada ve başqa ukrain azizhanelerde alâ daa bulunğan RPK agentligini yoq etecegine ümüt etem”, - dep qoştı o öz yazısı astında olğan tefsirlerde. 

Belli olğanı

  • Katedral kilse, UPK Qırım Yeparhiyasınıñ kirasında bulunmaqtadır. Kiracı, Qırım MC\Ukraina devlet malnıñ fondı ola. 
  • Qırımda Kiyev patriarhattaki Ukraina pravoslav kilsesiniñ (Birleştirilgen katedral kilsesinden soñ - Ukraina Pravoslav kilsesi) basqıları ve taqip etüvleri işğalnıñ ilk künlerden beri bugünge qadar süreler. 
  •  Ukrain kilsesi ve Aqyarda ukrain diñ cemaatı, işğalnıñ ilk yıllarında öz bar oluvını toqtağan. Ayrıca, 2014 senesi Aqyar şeerinde  rusiye quvetçileri Kiyev patriarhatından Aziz azapçısı Romalı Klimentniñ ibadethanesini ve Apostol Pötr ve Pavel ve Aziz Nikolaynıñ ibadethanesini quvet ile alğanlar.  
  • 2014 senesi kiraz aynıñ 1 Aqmescit rayondaki Perevalnoye köyünde silâlı “kozaklar” Aziz Bogoroditsasınıñ ibadethanesine ücüm etkenler Keççe bu ibadethaneni, Moskvalı patriarhatınıñ UPK’ne qanunsız sürette alıp bergenler. Bu kilseniñ bvşı İvan Katkalo, qorqutuvlar ve işğalcılarnen “separatizm” içün cinaiy davasınıñ açılması sebebinden ailenen beraber yarımadadan çıqmağa mecbur olğan. 
  • 2020 senesi küzde Qırımdaki Ukrainlerniñ Diyar Şurasınıñ (QUDŞ) vekilleri Reintegratsiya nazirligine Qırımda UPK imanlılarnıñ vesiqalaştırılğan taqip etüv ve terkipniñ mahv etüv, yarımadada ukrain kilseniñ malnıñ zapt etüv aqiqatlarnı alıp bergenler. 
  • 2021 senesi arman aynıñ 18 Nazirler kabineti, Qırımda grajdan ealisiniñ taqip etüvine alâqalı olğan RF makemecilerine ve başqa memur şahıslarına sanktsiyalarnıñ eki paketini qabul etken. Ayrıca, Aqmescit şeerinde aziz knâz Vladimir ve knâginâ Ölgasınıñ katedral kilsesiniñ binasınıñ, başqa tarihiy inşaatlarnıñ qanunsız saipleştirüvi, kilse malnıñ bozuluvı ve cemaatnıñ taqip etilmesi sebebinden. 
  • 2022 senesi qara qış aynıñ 3 MTMŞ, vaqtınca işğal etilgen yarımadasında UPK Qırım yyeparhiyasınıñ malnıñ saipleştirüvi aqqında “makeme qararlarnıñ” çıqarılmasına alâqalı olğan 18 şahısına sanktsiyalarnı qullanılğan. 2022 senesi qara qış aynıñ 21 Ukraina prezidenti Vladimir Zelenskiy, uyğun emirini imzalağan. 

Bizni Telegram'da oquñız