Bunıñ aqqında Qırımtatar Resurs Merkezinen yayınlandırılğan elçihanesiniñ cevabında denile. 

Advokatnıñ mektübinde siyasiy mabusınıñ ukrain pasportında kerek olğan vaqıtta (45 yaşında) yapıştırılğan fotoresiminiñ yoq oluvı da Latviyağa onıñ kirüvi içün maniası olmaz.

Bunen beraber Latviya Cumhuriyetiniñ sıñır hızmeti, Ukraina Elçihanesiniñ adresine öz mektübinde ülkede rusiye tecavuzından azap çekken grajdan ukrain ealisine destegine dair qanuniyeti bar olğanını bildirdi, buna köre, Zahtey, Latviyanen sıñırını keçken olsa, onda bar olğan vesiqalarnı ve başqa vaziyetlerni esapqa alıp onıñ vaziyetine ayrıca qıymet kesecekler.  

Tafsilâtlıca oquñız: İşğal etilgen Qırımda “qırım diversantlar” davasınıñ iştirakçısı Andrey Zahtey, serbest etilgen

Böylelikneb, 2023 senesi uvut aynıñ 10 qanunsız cezaaluvından soñ Andrey Zahtey, refaqat ile Rostov vilâyetindeki “Rusiye İİN “Don” EVVTM” FDM’ne keçirilgen edi, anda ise - makemeniñ qararına köre endi üç ay içinde bulunmaqtadır, mayıs aynıñ 12 qadar. Mayıs aynıñ 12 bu makemeniñ oturışı ötkerilmeli, anda siyasiy mabusına rusiye territoriyasını öz isteginen terk etmege fırsat berilmesini baqacaqlar. 

2023 senesi saban aynıñ 8 Devlet köçüv hızmeti, Zahteyge Ukrainağa qaytuvı içün vesiqalarnıñ alıp berilmesini red etken. RF’nen Ukrainanıñ konsul bağlarınıñ yoq oluvı sebebinden siyasiy mabusınıñ qaytaruvı, tek üçüncı ülkelerniñ iştirağı ile olmalı. Onıñ ömür arqadaşı, advokatnen beraber Aqayı içün çıqışını evelden razılaşqan Latviyağa muracaat etkenler. Şimdi siyasiy mabusınıñ evge qaytaruvı içün Latviyadan yazılı tasdıq etüvini bekleyler.

“UDM hızmeyi, 2023 senesi saban aynıñ 8 Zahteyge Ukrainağa qaytuvına şeadetnamesiniñ alıp berilmesinde red etkenine baqmadan, Ukraina milliy meraqlarını bozmayıp Zahtey şahısınıñ tayin etüv öeselesi ve ukrain vatandaşlığınıñ tasdıq etüvini çezip oldılar. Rusiyelilerden talap etilgen soñkisi, üçünci ülkesi, Ukraina vatandaşı Andrey Zahtey devlet sıñırını keçebilecegine qarşı olmamaq kerek. Niayet bugün Ukraina TİN yardımı ile Latviya Cumhuriyetinden böyle tasdığını alıp oldıq”, - bildire QRM. 

Belli olğanı

• 2016 senesi arman ayından qasım ayına qadar deviri içinde Qırımda 9 Ukraina vatandaşı tutuıp alınğan edi, olarnıñ arasında Andrey Zahtey bar edi. İşğal FTH hadimleri olarnı yarımadada Ukraina Mudafaa nazirligindeki terkiplerniñ meraqlarında diversiyalı faaliyetinde qabaatlağanlar. 
• Onı 2016 senesi arman ayında Armânsk rayonında tutıp aldılar. O vaqıt FTH, Qırımğa ukrain diversiyalı gruppasınıñ kirüvi aqqında bildirdi, olarnen atış neticesinde eki rusiye arbiyi elâk olğan. 
• Qabaatlavnıñ versiyasına köre, Qırımda şahsiy taşımasınen oğraşqan Zahtey, gruppanı qarşılap yarımadağa onıñ alıp keçirilmesini temin etmek kerek edi. 
• Qırımnıñ Yuqarı işğal makemesi, onı silânıñ qullanuvı ile diversiyanıñ azırlanuvında qabaatlanuvları boyunca 6,5 yılına azatlıqtan marum etüvine mahküm etken. 
• Zahtey, tutıp aluvı ve tahqiqat vaqtında yaşağan işkenceler aqqında bildirgen edi. 
• Davanıñ başqa iştirakçılarnıñ adlarını aytmayıp şahsiy iştirağına dair qabaatını qabul etip “tahqiqat”nen añlaşmanı imzalağan. Qırımğa köçken soñ alınğan rusiye vatandaşlığından Zahtey, 2017 senesi yazda “makemeniñ” qararına köre marum etilgen edi. 
• 2022 senesi orta küz ayında Andrey Zahteyni İşğal etilgen Qırımda Aqmescit ş. 1’ci qattı nizamlı icraiy koloniyasına 10 künge “çukurğa” - sanki dersin rejimniñ bozuluvı içün koloniyadaki mağazında kartserge yerleştirgenler. 

• Tesisara komissiyası, nevbetteki muracaatından soñ Andrey Zahteyni siyasiy mabusı kibi tanığan.

Bizni Telegram'da oquñız