“Azatlıq radiosınıñ” jurnalistleri işğal etilgen Qırımda RF arbiy obyektleriniñ interaktiv haritasını yaptılar
“Azatlıq radiosı”nıñ “Qıırm.Aqiqatı” leyhasınıñ jurnalistleri vaqtınca işğal etilgen Qırımda rusiye arbiylerniñ 200 ziyade çalışqan, vaqtınca ve qapatılğan obyektini taptılar.
Muayen koordonatlar ve fotoresimlernen uyğun malümatları “Azatlıq Radiosınıñ” interaktiv haritasında qayd etilgenler.
Bu obyektler arasında: inşaatlarnen arbiy aerodromlar, gemilerniñ yerleştirgen yerleri, silâ, aşayt mallar, yanğınlar anbarları, arbiy şeerleri, arbiy qısımları, qışlalar, ştablar ve idare noqtaları, arbiy tehnikasınıñ parkları ve AQM aletlerniñ nevbet yerleri, poligonlar ve oquv merkezleri, arbiy-sanayı kompleksiniñ bazı işhaneleri.
Tafsilâtlıca oquñız: Partizanlar Qırımnıñ işğal memuriyetlerni közeteler
İnteraktiv haritası, 2023 senedeki Planet Labs’nıñ yoldaş resimlerden ibaret. Anda Rusiye Mudafaa nazirligi ve yarımadada başqa rusiye işğal quvetli idarelerniñ obyektleri ve arbiyleri ne yerde ve angi telükesini taşığanını tafsilâtlıca körmek mümkün.
Belli olğanı
- Ukrainler ve qırımtatarlarnıñ arbiy-vatanperver “Ateş” areketi, vaqtınca işğal etilgen Qırım territoriyasında rusiye işğalcılarnıñ arbiy bölgelerni közetmege devam ete.
- “Ateş”, Aqmescitteki merkeziy bazarı yanında Rosgvardiyasınıñ qısımlarından birini közete.
- “Ateş” arbiy vatanperver areketi, vaqtınca işğal etilgen Qırımda rusiye arbiyleriniñ mudafaa obyektlerniñ qayd etüvi içün bu obyektlerde çalışmağa azır olğan insanlarnı qıdıra.
Bizni Telegram’da oquñız