Bunıñ aqqında Temsilcilik, Facebook’ta bildirdi. 

İdarede bildirgenleri kibi, mayıs aynıñ 9 ukrainler umumiy avropalı arzusını ve AB ailesinen beraber bölüngen qıymetlerini qayd eteler. 

“Oz yolumıznı seçip aldıq, çünki hususiyetimiz - imperatorlıq degil, avropalıdır. Cenk vaqıtlarda dayanıp oldıq ve tecavuzcıdan demokratik dünyasınıñ imayesi ve şiddetli ortağı oldıq. Ve Qırımnıñ deokupatsiyası ve Ukrainanıñ avropa integratsiyası - arzularımız degil, şimdiki zamanımız olır”, - denile beyanatta. 

Tafsilâtlıca oquñız: Yazda Qırımda “pamuq mevsimi” başlanacaq - Gümenük

Temsilciliginiñ arizasında qayd etilgeni kibi, ukrain yarımadası, işğalcılarnıñ esirinde daa çoq olmaz, çünki Ukraina, onıñ serbest etilmesi ve rusiye tecavuzı üzerinde ğalebesi oğrunda toqtalmayıp küreşe. Daa idarede Qırımnı mustaqil Ukrainanıñ ve avropalı devletlerniñ ailesiniñ terkibinde nasıl körgenlerini de tarif ettiler. 

“Serbestlikni is ettirilgen territoriyası. Medeniy dünyası içün açıq olğan. Energetik ceetinde mustaqil. İqtisadiy ceetinde inkişaf etilgen, qıymet yaratuv zıncırlarına kirsetilgen. Tamır halqlarnıñ medeniy-tarihiy mirasınıñ saqlanuvı ve inkişafından ibaret olğan yañı turistik brendinen zemaneviy avropalı raatlığı. Çeşit-türlü medeniyetlerniñ tamamlı örnegi. İmaye etilgen saası, Ukrainanıñ cenübiy araba qapısı ve Azaq-Qaradeñiz vilâyetinde stabilliginiñ esasıdır. Ekologik tarafından telükesiz ve iklim tarafından bitaraflı, aynı zamanda qorçalanğan ekosistemaları ve saqlanılğan tabiat çeşitliginen”, - denile beyanatta. 

Belli olğanı

• 2023 senesi Ukraina, yigirmi yıl içinde ilk sefer Avropa künü sebebinden tedbirlerge qoşula - Avropa Birliginde ve başqa ülkelerde qıtada tınçlıq ve birlik timsali olaraq mayıs aynıñ 9 qayd etilgen bayramıdır. 
• Ukraina Milliy telükesizlik ve mudafaa şurasınıñ kâtibi Aleksey Danilov ilân etkeni kibi, Ukraina, RF işğal etilgen Qırımnı “kerek olacaq usulı ile serbest etecek”. 
• Ukraina Mudafaa naziri Aleksey Reznikov, rusiyeliler işğal etilgen Qırımnı pekitüvlerden ibaret qalege çevirilgenlerine köre, Ukraina tek arbiy qarşı ücümı degil, yarımadanıñ “arbiy-siyasiy” azat etilmesi aqqında laf etkenini dep tüşüne. 
• Ukraina Mudafaa nazirligindeki İstihbaratınıñ Baş idaresiniñ başı Kirill Budanov, Ukraina silâlı quvetler işğal etilgen Qırımğa baarde kirecekleri aqqında öz evelki tahminini tasdıq etken. 

Bizni Telegram'da oquñız