Bunıñ aqqında Qırım Muhtar Cumhuriyetinde Ukraina prezidentiniñ daimiy vekil muavini Denis Çistikov “Ğromadske radio”nıñ yayısında bildirdi. 

“Şimdi Qırım, eki şartlı lagerine ayırılğan: USQ qarşı ücümine azırlanmağa tırışqan işğalcılar ve olarnıñ tarafdarları ve serbestligini beklegen ve Ukrainağa qol tutmağa tırışqan vatandaşlarımız”, - ayttı o. 

Çistikovnıñ sözlerine köre, 2023 senesi çiçek aynıñ soñuna qadar Qırımda rusiye işğalcılar Qırımda “rusiye ordusınıñ itibarınıñ tüşürüvi” içün 320 davanı açqanlar. 

“O, vaqtınca işğal etilgen Qırımnıñ sakinleri büyük miqyaslı ücüminiñ başlanuvından beri Qırımnıñ qaytaruv aqiqatı şimdi eñ büyük olğanını añlağanları aqqında ayta”, - qayd etti o. 

QMC’de Ukraina prezidentiniñ daimiy vekil muavini qayd etkeni kibi, Ukrainağa qol tutuvınıñ arttırmasını tirenüv areketler köstereler. Olarnıñ arasında “Sarı şerit”, “Cenkâver çağala” ve başqaları. 

“O, tirenüvge azır olğanlarnıñ sayısı artqanı aqqında manasına kele. Ayrı faaliyeti, Qırımdaki “pamuğından” soñ körüne. USQ matbuat ofitserleri bile Qırım sakinlerden arbiy malümatını alğanları aqqında aytalar. Amma şunı qayd eteler ki: malümatnı paylaşaraq, telükesizlik tedbirlerine riayet etmek kerek. Daa ukrain tarafdarlığını köstergen mevamı içün halq ögünde yapılğan afu etilüvlerniñ sayısı öskenini köremiz. O, ruhiyat basqısıdır. Daa memuriy işlerniñ sayısı da arta”, - tarif etti o. 

İşğalcılar USQ kelecek qarşı ücümi sebebinden qasevetlengenleri er şeyde körüne: şimdi yarımadada sıq ötkerilgen atışlarda, em de mayıs aynıñ 9 rusiyeliler bayram tedbirlerni lâğu etip bunı “telükesizlik tedbirleri” adlağanlarında da. 

“Bu sebepten olar bu öz adımlarnı vaqtınca işğal etilgen Qırımda Ukraina vatandaşlarnıñ taqip etüv yolunen aqlamaq kerek ediler. Bu arizalardan soñ terroristik ve ekstremist faaliyetinde qanunsız ve aqlanmağan qabaatlavlar boyunca Ukraina vatandaşlarnıñ tutıp aluvıları qayd etilgen ediler”, - qayd etti o. 

Faallernen küreşinde, onıñ fikirine köre, ayrı diqqatını işğalcılar qırım gençlerine ayırılalar. 

“Ârımadada işğal memuriyeti, gençlerniñ arasında işini faalleştirilgen. O, Ukrainağa aynı gençler qol tutqanlarına bağlı. Ekspertler qayd etkenleri kibi, gençler arasında Ukrainğa qol tutuvı, aynı numayış tedbirlerniñ keçirilmesindedir - sarı şeritlerniñ ve Ukrainanen alâqalı başqa timsallerniñ yerleştirüvinde”, - dedi Çistikov. 

Qayd etkeni kibi, işğalcılarda gençlerge dair qorqu ve ihtarlarnı student yataqhanelerde tintüvler ve Qırımdaki ocalarnen işi tasdıqlay. 

“Keçende yarımadada MAA degeniniñ iştirakçılarına mektüplerniñ yazuvını azırladılarj Ve ocalar bu mektüplerni teşkirmek kerek ediler, çünki balalar ukrain tarafdarlığını köstergen metinlerni yazğanda vaqialar bar edi. O, Qırımda Ukrainanıñ destegi artqanını köstere”, - qayd etti Çistikov. 

Belli olğanı

• Mayıs aynıñ 9 evel işğal etilgen Qırımda ve Ukrainanıñ yañı işğal etilgen territoriyalarında rusiye natsizmniñ timsalini yazdırıp “Georgiy şeriti” tedbirini keçirdiler. Melitopol ve Qırımdaki “Sarı şerit” grajdan tirenüv areketi, bu şeritlerni faal sürette yaqıp, yırtıp taşlap atalar.
• Ukrainler ve qırımtatarlarnıñ arbiy-vatanperver “Ateş” areketi, vaqtınca işğal etilgen Qırım territoriyasında rusiye işğalcılarnıñ arbiy bölgelerni közetmege devam ete. 

Bizni Telegram'da oquñız