Yaqılğan georgiy şeritlernen uyğun fotoresimlerni “Sarı şerit” areketi öz Telegram kanalında yayınlağan. 

“Şimdi raşistler “georgiy şeriti” adlı öz tedbirini keçireler, sizge rusiye natsizmniñ timsalini mahsus yazdıralar. Raşistler sizni öz cinayetlerge alâqalı yapmağa isteyler. Amma ukrain şeerlerde raşist timsallerine yeri yoq!”, - denile beyanatta. 

Narazılıq tedbirine Mıkolayiv vilâyetteki işğal etilgen qısmınıñ, ayrıca Stavki köyü, Melitopol  sakinleri ve Aqmescit, Aqyar ve Yaltadan qırımlılar qatnağanlar.

Faaller işğal etilgen territoriyalardaki ukrainlerni bu şeritlerni yoq etip rusiye “teşviqatnı” yaqmağa çağıralar. “Ğalebeli” timsallerniñ yerine işğalge ukrain tirenüv timsali olaraq er yerde sarı şeritlerni asmağa teklif eteler. 

Menba: t.me/yellowribbon_ua

Belli olğanı

• “Sarı şerit” grajdan tirenüv areketi, Ukrainanıñ vaqtınca işğal etilgen territoriyalarında fleşmobnı başlağan. Faaller rusiye aqçalarında ukrain tarafdarlığını köstergen şiarlarnı yazalar. 
• Salı künü, saban aynıñ 28 “Sarı şeriti” cemiyet tirenüviniñ areketi, Brükselde Avropa parlamentinde areket faallerinen birdemlik tedbirini keçirgen. Avropa deputatları ve diplomatları işğalge tirenüvini köstermek maqsadınen sarı şeritlerniñ resimlrni çızğan ediler. 
• “Sarı şerit” grajdan tirenüvi areketiniñ faalleri Avropa parlamentteki deputatalarğa Kiyevden Aqmescitke trenine biletlerni bahşış etip yarımadada tirenüvini yapqan ve oña qol tutqanlardan mektüplerni alıp bergenler. .
• Vaqtınca işğal etilgen Qırımda “Sarı şerit”i cemaat tirenüvi areketiniñ faalleri, rusiye işğalcılarına yaqın vaqıtta yarımadanıñ Ukraina nezaretine qaytaruvı aqqında muntazam sürette hatırlatmağa devam eteler. Bu sefer ukrain tarafdarlığını köstergen risaleler, grafiti ve şeritler Gvardeyskoye, Aqyar ve Kefede peyda oldılar. 

Bizni Telegram’da oquñız