Bunıñ aqqında Milliy tirenüv merkezi bildire. 

“Böyleliknen, Zaporijjâ vilâyetinde işğal memuriyetteki hadimlerniñ ve olarnıñ aile azalarnıñ Qırımğa evakuatsıya planı endi işlep çıqarılğan. Aynı vaziyeti Herson vilâyetinde de. Ayrıca Arabat maqasındaki mesken yerlerden işğalcılarnıñ tarafdarlarnıñ çoqusı, vilâyetni endi terk etkenler”, - denile beyanatta. 

Tafsilâtlıca oquñız: Qırımnı kerek olğan usulı ile serbest etecegimiz - Danilov

Daa Merkezde şunı qayd ettiler ki, Qırımda işğal akimiyeti, Qırımnıñ ve cenübiy Hersonnıñ olabilecek bloklavı sebebinden suv ve aşayt mallarnıñ yedekleriniñ teşkil etüv ceryanını başlağan. 

Belli olğanı

• Ukraina Mudafaa naziri Aleksey Reznikov, rusiyeliler işğal etilgen Qırımnı pekitüvlerden ibaret qalege çevirilgenlerine köre, Ukraina tek arbiy qarşı ücümı degil, yarımadanıñ “arbiy-siyasiy” azat etilmesi aqqında laf etkenini dep tüşüne. 
• Ukraina Mudafaa nazirligindeki İstihbaratınıñ Baş idaresiniñ başı Kirill Budanov, Ukraina silâlı quvetler işğal etilgen Qırımğa baarde kirecekleri aqqında öz evelki tahminini tasdıq etken. 

Bizni Telegram'da oquñız