Bunıñ aqqında idareniñ matbuat hızmeti Telegram’da bildire. 

“Casusı, 2014 senesi rusiye zapt eticilerini desteklep vaqtınca işğal etilgen yarımadanıñ territoriyasında qalğan Qırım sakini eken. Anda o, RF vatandaşınıñ pasportını alıp tecavuzcı ülkeniñ arbiy esabatına turğan. Keççe oña gizli işdeşgine dair “teklifinen” rusiye mahsus hızmetiniñ vekili çıqqan”, - denile beyanatta. 

Menba: UTH

UTH’de iddia etkenleri kibi, iştirakçı, RF büyük miqyaslı ücüminiñ başlanuvından evel onıñ soy-sopları yaşağan Mıkolayiv vilâyetine kelip ukrain ordusına kirip arbiylerniñ yerleştirilgen yeri ve keçirilmesi aqqında malümatlarnı toplamağa başlağan. 

Menba: UTH

“Casus, cenkâver uçaqlarnıñ köçüvi ve devletimizniñ avağa qarşı mudafaa sistemasınıñ mevamlarını közete edi. Daa onı Mudafaa quvetlerniñ cenkâver yedeklernen ve yaqar malzemelernen anbarları meraandıra edi”, - bildirdiler UTH’de. 

Menba: UTH

Qayd etilgeni kibi, uquq qoruyıcılar figurantnı istihbarat vazifesiniñ eda etilüv vaqtında tutıp alğanlar. Tahqiqatnıñ malümatlarına köre, alınğan malümatlarnı Qırımda yaşağan sabıq ömür arqadaşı ile Rusiyege ğıyaben alıp bere edi. 

Tutıp alınğanını Ukraina CK 114-2 m. 1 q. köre şübesi aqqında bildirdiler. Onı beş yılğa qadar azatlıqtan marum etüvi bekley. 

Bizni Telegram’da oquñız