Bunıñ aqqında o, Ukrinformnıñ intervyüsinde bildirgen.

Taşeva qayd etkeni kibi, deokupatdıyasından soñ Qırımda telükesizliginiñ temin etilmesi, işğalcılarnıñ tarafdarlarınıñ tutıp alınması ve başqa stabilizatsıya tedbirleri içün arbiy memuriyeti çalışmağa başlaycaq. Bazı caqıt soñra saylavlar olmalı, amma olarnıñ künü vaziyetlerge bağlı olacaq. Telükesizliginiñ kefalet etilmesi ve minalarnıñ yoq etilmesi aqqında söz kete. 

Qırımnıñ etnik ve içtimaiy terkibini añlamaq içün ealiniñ yañıdan yazıluvınıñ keçirilüv planları aqqında bildirgen.

Tafsilâtlıca oquñız: Qırımnıñ ce Donbassnıñ deokupatsıyasınds soñ “yengil ukrainizatsıyası” kerek olacaq - Medeniyet 

“Qırımtatar halqı aqqında aytacaq olsaq, olarnıñ ilâve siyasiy aqları bar. Qırımda tamır halqlar vekilleriniñ nasıl miqdarı yaşağanını añlamaq kerekmiz. Bundan devlet tarafından temsilcilik organlarınıñ işine alıp berilgen resursı bağlı”, qayd etti memur. 

Daa Tamila Taşeva qayd etkeni kibi, saylavlardan evel Qırımğa qanunsız sürette kelgen bütün rusiyelilerniñ sürgün etilmesi keçirmeli. 

Halqara qanunlar, Qırımnıñ işğali vaqtında oña kelgen rusiyelilerniñ kütleviy sürgün etüvini köz ögünde tutmağanlarını esapqa alsaq, ayrı qararlarına köre sürgün etecekler. 

Tafsilâtlıca oquñız: Qırımnı kerek olğan usulı ile serbest etecegimiz - Danilov

“Rusiye vatandaşlarnıñ episi, aqiqaten, kolonizatorlardır, çünki olar işğal etilgen territoriyasına onıñ demografik terkibini deñiştirmek içün kelgenler. Olar - cinayetniñ iştirakçılarıdır. Ve territoriyanıñ serbest etüvinden evel özleri çıqıp ketmeseler, olarnı sürgün eterik. Halqara qanunlar, kütleviy sürgün etilmesini köz ögünde tutmaylar - kütleviy sürgünligi yasaq. Buna köre, olarğa dair ayrı qararlar qullanılacaq”, - qayd etti Taşeva. 

Qayd etkeni kibi, 2014 senesinden soñ Ukraina territoriyasına qanunsız tarzda kirgen RF vatandaşları aqqında söz kete. 

Bizni Telegram’da oquñız