RF, işğal etilgen Qırımda patlavlardan soñ cenkâver gemilerni başqa yerge yerleştirgen
İşğal etilgen Qırımda patlavlardan soñ rusiye arbiyleri öz arbiy gemilerniñ çoqusını Novorossiyskke alıp keçirdiler.
Bunıñ aqqında Ukraina Mudafaa nazirligindeki istihbaratınıñ baş idaresiniñ başı Vadim Skibitskiy Kiyev telekanalınıñ intervyüsinde aytqan.
Qayd etkeni kibi, Rusiyeniñ cenkâver gemileri ayrıca Novorossiyskte bulunalar. Böyle qararnı olarnıñ Qırım territoriyasında yoq etilmesinden vazgeçmek içün qabul ettiler, dey istihbaratçı.
Tafsilâtlıca oquñız: Yanğın neticesinde Aqyarnıñ yermay bazasında RF QDB ihtiyacları içün yermay yyedeklerinen rezervuar yoq etilgen - İBİ
“Rusiyelilerniñ qorqusını köremiz. Aqyardaki aynı bazası ve başqa arbiy obyektleri şimdi şiddetli tarzda mudafaa etileler, bu astâpına qarşı er bir ücümdan imaye etilmek içün işğalcılar mevamlarnı qurarlar”, - tarif etti Skibitskiy.
Tafsilâtlıca oquñız: Qırımda yazda “pamuq mevsimi” başlanacaq - Gümenük
Ukrain istihbaratınıñ vekili qoşqanı kibi, keçken yılnıñ küzden evel rusiyeliler Qırım mudafaasına ayrı diqqatını çekmey ediler, amma qıtaiy Ukrainanıñ territoriyasında ukrain ordusınıñ muvafaqiyetinden ve tirenüv areketiniñ faalleştirüvinden soñ Qırımda mudafaanı quvetleştirmege başladılar.
Belli olğanı
- Ukraina Milliy telükesizlik ve mudafaa şurasınıñ kâtibi Aleksey Danilov ilân etkeni kibi, Ukraina, RF işğal etilgen Qırımnı “kerek olacaq usulı ile serbest etecek”.
Bizni Telegram'da oquñız