Bunıñ aqqında o “Serbestlik Radiosınıñ” intervyüsinde aytqan. 

“Bir şeyni cenkleşmeyip alıp bereceklermi aytması zor. Kerek olğanda, o ya da o bir qararınıñ qabul etilmesi vaqtında kerek olacağını tüşüngen usulı ile serbest etecegimizni aytabilem. Biraz başqa usullarnıñ qullanmasında ihtiyacımız olsa, olar mıtlaqqa qullanılacaqlar, bu aqta iç kimseniñ izinini soramağa niyetimiz yoq. O - bizim topraqlarımızdır, vazifemiz ise - onı serbest etmektir”, - ilân etti Danilov, Ukraina mudafaa naziri Aleksey Reznikovnıñ Kiyev, işğal etilgen Qırımnı “cenkleşmeyip” qaytarır dep sözlerini tefsir eterek. 

Daa işğal etilgen Qırımda sıq tarzda bildirilgen patlavlarnı da tefsir etken. 

“Alla-Taalâ ülkemizge pek merametlidir, ara-sıra raşistlerge mından yoq olıp ketmek kerek olğanı aqqında işaretlerni bere. Ve bu işaretler uyğun usulına keteler. Biraz aqıllı olğan insanlar yarımadadan tezce ketmek kerek olğanını yahşı añlaylar dep tüşünem”, - qayd etti MTMŞ kâtibi. 

Belli olğanı

• Ukraina Mudafaa naziri Aleksey Reznikov, rusiyeliler işğal etilgen Qırımnı pekitüvlerden ibaret qalege çevirilgenlerine köre, Ukraina tek arbiy qarşı ücümı degil, yarımadanıñ “arbiy-siyasiy” azat etilmesi aqqında laf etkenini dep tüşüne. 
• Ukraina Mudafaa nazirligindeki İstihbaratınıñ Baş idaresiniñ başı Kirill Budanov, Ukraina silâlı quvetler işğal etilgen Qırımğa baarde kirecekleri aqqında öz evelki tahminini tasdıq etken. 

Bizni Telegram'da oquñız