Bunıñ aqqında “Qırım ceryanı” bildire. 

Qayd etilgeni kibi, oturış, açıq rejiminde keçirilgen edi, Daniloviçni fena alına baqmadan, ceryanda şahsiy iştirağı içün alıp ketirdiler. 

Tafsilâtlıca oquñız: Lubinets, eki hasta qırım siyasiy mabusı Daniloviç ve Suleymanovğa tedaviylemesiniñ bermemesi aqqında tarif etken

“Makeme, tek sağlıq alına köre makeme oturışlarnıñ protokollarınen soñuna qadar tanış olamağan aqiqatına diqqatını çekken. Bu sebepten kollegiya, dava malümatlarnen tanışuv ceryanınıñ bitirüvi içün ilk basamaqtaki makemesine davasını qaytarmağa qararını qabul etken”, - denile beyanatta. 

Belli olğanı

• Faal ve cemaat jurnalisti İrina Daniloviç, çiçiyek aynıñ 29 vaqtınca işğal etilgen Qırımda işten qaytqanda ğayıp oldı. Aynı künü Kefe yanında olğan Vladislavivka köyündeki onıñ ana-babasınen beraber yaşağan evinde işğal quvetçileri tintüv keçirip, onıñ telefonnı ve tehnikasını musadere ettiler. 
• Daniloviç, bir qaç ay içinde tibbiy yardımını almağa tırışqan soñ saban aynıñ 21 açlıqnı ilân etken - cezahanede , ayrıca keçken yılnıñ soñunda çıqarılğan üküminden soñ onıñ sağlıq alı kerginleşken.
• Vaqtınca işğal etilgen Qırımda qanunsız sürette mahküm etilgen ve Aqmescitteki taqiqat tevqifhanesinde açlıqnı ilân etken cemaat jurnalisti İrina Daniloviçniñ babası Bronislav Daniloviç, onıñ sağlıq alı aqqında tarif etken. 
• Grajdan jurnalisti İrina Daniloviç, cinaiy işniñ malümatlarnen tanışuvını bitirsiñ dep onı “Kefe yerli qanunsız makemesine” keçirüvi vaqtında esini coyğan. Bundan da ğayrı, işkenceler sebebinden açlıqnı ilân etmege azırlana.
• Çiçek aynıñ 6 işğal etilgen Qırımda yedi yılğa mahküm etilgen emşire ve cemaat faali İrina Daniloviç, yaqın künlerde onı Aqmescitteki cezahanesinden teşkerüv ve tedaviylev içün onı hastanege alıp ketirmege vadesine cevap olaraq açlıqnı toqtatqan. 

Bizni Telegram'da oquñız