Bunıñ aqqında o, “zonatelekom” türme bağı ile ömür arqadaşını haberdar etken, yaza “Qırım birdemligi”. 

Qayd etilgeni kibi, cezahanege nevbetteki köçüvi aqqında siyasiy mabusınıñ anası Dilâra Abdullayevağa belli oldı - koloniyada Üzeir Abdullayevni ziyaret etken advokatnıñ syzlerine köre. 

“Çiçek aynıñ 19 cezahanege 10 künge bozuluvlar içün quvğanlar - sanki dersin oğlum, yüzbeznen yataq yerini qapatqan, amma o, musulmanlarğa basqısı, yüzbez ise - perde olmağanını añlaymız, olarnıñ episi, yüzbezlerni öyle qurutalar. Basqını kimge dair yapmaq kerek olsa, oña dair bu bozuluvnı qullanalar”, - bildirdi Dilâra Abdullayeva. 

Şikâyetlerni farqlı rusiye idarelerine yollağanını da tarif etken. Ayrıca, Üzeir ve Timur Abdullayevniñ davasınıñ tetqiq etüvi içün federal komissiyası aqqında ricasınen RF prezidentine; Başqurtistandaki yerli akimiyetine; Ufadaki insan aqları bölügine şikâyetlernen resmiy muraacatlarnı yollağan. Qadın, “Uzeirni acele tarzda baqıp tibbiy yardımını deral bermege” rica etken edi. 

“Ekim, onı baqıp sağlıq içün qasevet çekkenini ve bu sebepten cezahanesi onıñ içün yasaq olğanını aytqan, ve onıñ tevsiyesine köre Üzeirni alıp çıqarğanlar”, - tarif etti ömür arqadaşı Abdullayeva Fera. 

Uquq qoruyıcılar şunı hatırlatalar ki, üylede cezahanede yataq yerini alalar ve ya kürsüde oturmaq, ya da ayaqlarda turmaq mümkün. 

“Aqayımnıñ ayaqta toqtalmağan ödemi bar, uzun vaqıt devamında turmağa olmay - ağrısı kerginleşe. Ödeminiñ sebebini şimdi tayin etip olamadılar”, - dep qoştı Abdullayevniñ apayı. 

Belli olğanı

• Rostov-na-Donudaki Cenübiy arbiy bölge makemesi, aqmescitteki Hizb ut-Tahrir davasınıñ iştirakçılarına 2019 senesi kiraz ayında üküm çıqarğan. Keççe Rusiye Yuqarı makemesi, qırımlılarğa ükümini deñiştirgen. 
• Üzeir Abdullayev, tevkhif etüvniñ 12 yıl ve 6 aynı alğan, Rustem İsmailov - 13 yıl ve 6 aynı, Emil Cemadenov - 11 yıl ve 6 aynı, Ayder Saledinov - 11 yıl ve 6 aynı. Teymur Abdullayev ükümniñ yañıdan baquvından soñ koloniyanıñ 16 yıl ve 6 aynı alğan, bunen beraber onıñ içün 1 yıl ve 4 ayğa müddetine memuriy közetüvi köz ögünde tutulğan. 
• Ukraina Tışqı işler nazirligi, bu üküm sebebinden qatiy narazılıqnı bildirip Rusiyege sanktsiyalı basqısını quvetleştirmege çağırğan. 

Bizni Telegram'da oquñız