Bunıñ aqqında Mesutovnı ziyaret etken advokat Vladimir Bilenko tarif etken, yaza “Qırım birdemlii”.

“Mesutovdan arap tilinde olğan Qurannı aldılar. O, “ekstremist” degil, “eyi” soylardan olğanını teşkirmek içün. O vaqıttan beri, qasım ayından başlap, onı keri alıp olamağanını içün pek qasevetlene”, - tarif etti advokat Vladimir Bilenko. 

Qayd etilgeni kibi, 2022 senesi qasım ayından başlap qırımtatarınıñ yemek qıyınlıqları başlanılğan, çünki esasen yemekler domız etinden ibaret olğan ediler. Din baqışlarına köre, Ruslan Mesutov, böyle yemeklerni aşamay. Bu müesisesinde bulunğan musulmanlar apishaneniñ memuriyetine muracaat etkenler, amma aşayt meselesi alâ daa çezilmegen. 

Daa şusı qayd etile ki, siyasiy mabus, başqa qırım musulmanı - siyasiy mabusı Lenur Seydametovnen aynı kamerasında buluna. 

Belli olğanı

• Qırımtatarı Ruslan Mesutov, tevqiften evel Aluştada musulman din cemiyetiniñ esasçılarından biri olıp musulman bayramlarnı teşkil etken edi, cenaze meselelernen yardım etken edi, dualarnı oquy edi. 
• 2019 senesi kiraz aynıñ 10 RF işğal etilgen Qırımda MVMO cenkçiler, rusiye mahsus hızmetlerdeki hadimler ve “E” merkeziniñ vekillerniñ iştirağı ile dört qırımtatarınıñ evinde kütleviy tintüvler keçken. Aluştada işğalcılar camide imam vazifelerni icra etken Ruslan Nagayev ve iş adamı Eldar Kantemirovnı tutıp alğanlar. Büyük Lambat köyünde - Ruslan Mesutovnı, Körbekül köyünde ise - Lenur Halilovnı. Soñki ekisi, yerli diñ cemiyetiniñ başı olğan edi. 

Bizni Telegram'da oquñız