Serbest etilgen Qırımğa mektüpler: Ukrainada qırım siyasiy mabuslarnıñ destegi boyunca tedbiri başlanılğan
Cumaaqşamı künü, çiçek aynıñ 27 “Sersbet Qırımğa mektüpler” adlı qırım siyasiy mabuslarına destegi içün tedbiri başlanğan. İstegen er kes, işğalcılarnen qırım apishanelerde tutılğan ya da RF territoriyasına keçirilgen siyasiy mabuslarına mektüplerni yazabileler.
Bunıñ aqqında tedbirniñ teşkilâtçılardan biri - ZMINA insan aqları merkezi bildire.
“Ay içinde teşkilâtçılar - Qırım Muhtar Cumhuriyetinde Prezidentniñ temsilciligi, Ukrain PEN ve ZMINA mektüplerni toplap olarnı qırım siyasiy mabuslarnıñ qanusız tutuv yerlerine alıp berecekler”, - denile beyanatta.
Böyle tedbir, er kesge Kremlniñ ukrain mabusları aqqında hatırlatmaq ve olarnen meraqlanmağa ve qasevet etmege devam etkenlerini köstermek içün maqsadınen keçirile.
“Mektüplerniñ büyük miqdarı - insannı öldürip olamazlar aqqında apishanelerniñ memuriyetleri içün müim bir beyanatıdır, çünki bunıñ aqqında er kesniñ haberi olacaq, buna köre, teşkilâtçılar daa çoq insannı tedbirge qatnamağa çağıralar”, - qayd ettiler beyanatta.
Ukrain PEN’niñ icraiy müdir muavini Maksim Sıtnikov qayd etkeni kibi, qırım siyasiy mabuslarnıñ episi eñ yaqın vaqıtta serbest olsunlar dep pek müim, çünki olarnı tutqan şaraitleri - olarnıñ sağlıq ve ayatı içün bile büyük bir havftır.
“Bunıñ içün rusiye apishanelerde qanunsız sürette tutılğanlarına diqqatını çekmek kerek. Buna köre, siyasiy mabuslarına mektüpler ukrain mabuslarnıñ bulunğan malümat vakuumınen küreşidir. O, olar içün büyük destegidir”, - dep qoştı Sıtnikov.
Şimdi Ukrain vatandaşlarnıñ bir buçuq yüzden ziyadesi, Qırımda ya da Rusiye territoriyasında tevqif etilip bulunmaqtalar, olarnıñ çoqusı - qırımtatar halqnıñ vekilleridir. Jurnalist ve cemaat erbaplığı, Ukrainanıñ tarafdarı olğanı, din baqışları ya da cenkke qarşı çıqışlar içün basqılarğa oğraylar.
“2022 senesi uvut aynıñ 24 soñ Rusiye, Qırımda taqip etüvlerni ve basqılarnı quvetleştirgen, amma büyük miqyaslı ücüminden evel Kremlniñ 120 mabusı apiste bulunğan edi, bazıları (Valentin Vıgivskiy ya da Viktor Şur kibi) daa 2014 seneden beri oturalar. Bütün bu insanlarğa Ukraina, olarnıñ aqqında unutmayıp olarnıñ serbest etüvi içün küreşkenini bilmege pek müim”, - qayd etti ZMINA başı Tatyana Peçonçik.
Tedbirde iştirak etmege istegenleri, mektüplerni İnsan aqları aqqında malümat merkezi, a/s V-539, m.Kiyev, 01001 adresine ya da onlayn (yemail: Free.CrimeaUA@gmail.com) adresine çiçek aynıñ 27’den mayıs aynıñ 27 qadar yollaybileler. Siyasiy mabuslardan qaysı soyuna mektüp yazılğanını qayd etmesi müim.
ZMINA’da da mektüpni yollamaq mümkün olğan Kreml mabuslarnıñ cedvelini yayınladılar. Cedvelde tek merkezge belli olğan yerleştirüvleri aqqında adresleri yazılğan.
Belli olğanı
- QırımSOS’nıñ talilcısı Yevgeniy Yaroşenko bildirgeni kibi, qırımtatar halqnıñ Meclisniñ tahminen 30 azası, Qırım yarımadasınıñ işğali vaqtında RF tarafından basqılarğa oğratılğan.
- Qırımtatar halqnıñ lideri, Ukraina halq deputatı Mustafa Cemilev bildirgeni kibi, Qırım işğal astında qalacaq olsa, qırımtatar milleti, halq olaraq bütünle yoq etilebile.
Bizni Telegram'da oquñız
