Bunıñ aqqında “Antitila” taqımı, öz resmiy Facebook saifesinde bildirgen. 

Kontsertni Yaltada “Avangard” stadionında keçirmege planlaştırğanlar. 

“Antitila Qırımda kontsertni ilân eteler. Ukrain Qırımda. Yaltada ilk stadionlı şousına evelden satıluvnı açamız. 2024 senesi arman aynıñ 23, stadion “Avangard”. Rusiye tecavuzınıñ ilk künden beri ellerimizge silânı alıp, sıñırda bulunaraq, Ukrainanıñ ğalebesinde iç bir saniye şübelenmey edik. Bir kün kelip USQ Qırım çölleri, Ayuvdağ, Fiolent burunı, Genuez qayası ve Çağala yuvası üzerinde nezaretini qaytaracaqlarını ep bilgen edik. Anda öz sevgillerimiz, balalarımız ve dostlarımıznen anda mıtlaqqa kelermiz”, - qayd etti sanatkâr. 

Menba: facebook.com/antytilaofficial

Daa “Antitila” taqımınıñ iştirakçıları, 2024 senesi yazda ukrainlerniñ episi, rusiyelilerden serbset etilgen Yaltada toplanıp “sarı-mavı keten, zemaneviy ukrain muzıkasınen Qırımnıñ bütün cenübiy yalısını yaraştırıp” olacaqlarını eminligini bildirdiler. 

Ukrainanıñ ğalebesini beraberlikte qayd etmek içün taqım, ukrainlerniñ çoqusınen sevilgen öz eñ yahşı türkülerni aytmağa planlaştıra. 

Biletlerni 900 grivnağa “TiketsBoks”ta satın almaq mümkün. 

Bunen beraber taqm yetekçisi Taras Topolâ, Suspilne Qırımğa “ğalebede emin olğanımız” olarnıñ muayyen arizası olğanını bildirgen. 

“Ğalebede emin olğanımız aqqında bizim muayyen arizamızdır. Ukrain KHV çoqusı, bu haberni endi aldılar ve bu teşebbüske dair büyük destegi körüne. Rusiye KHV’na dair yazılarnı daa baqmağan edim, çünki meni o meraqlandırmay. Böyle ilân etüvinden soñ birevniñ bir yeri yanajağında eminim”, - dedi o. 

Bundan da ğayrı, Topolâ, kontsertke biletlerden paraları qayda yollanıycaqları aqqında tarif etken. Versiyalardan biri - TM 130’cı batalyonı. “Antitila”nıñ çalğıcıları ve yırcısı bu batalyonnıñ iştirakçıları olalar. 

“TM 130’cı batalyonnıñ iştirakçıları olamız. Arman ayında cebeden, ayrıca Harkiv vilâyetinden çıqqanımızğa baqmadan, TM 130’cı batalyonnıñ iştirakçıları olıp qalıp yedekte bulunmaqtamız. Şimdi tiklenüv boyunca batalyonımız, kene de Bahmutqa cenkâver areketlerniñ zonasına yollanılğan. Batalyonımızda qırımtatar tamırlarınen olğan tahminen on arbiy hızmetçimiz bar”, - qayd etti yırcı. 

Onıñ sözlerine köre, taqım, “Antitila” Hayriyet fondnıñ çerçivelerinde batalyonğa yardım etmege devam ete. 

“Biletlerden paraları vastasız yollanılacağına dair umumen ne qadar bileti satın alınacağını baştan añlamaq kerek. Men ep qırımtatarlarnıñ tarafında turıp olarnıñ teşebbüslerine qol tutqan edim. Qırımdaki ukrainlerine büyük sevgini bildirem. Elbet de, talaplar olsa, olarnı baqıp cevap berecegimiz”, - ilân etti Topolâ.

Belli olğanı

•  “Antitila”nıñ lideri Taras Topolâ, taqımdaki çalğıcılarnen beraber cebede paramedik olaraq çalışıp yaralanğanlarnı da qurtara edi. Şimdiki vaqıtqa qadar yedekte bulunmaqtadır. Şimdi Qırımda ukrain qarşı ücümine alâqalı olmağa arzusı bar. 
• Qırımtatar asılı ukrain yırcısı Camala, Livurpulda 2023-Avropalı yır yarışmasında Qırım aqqında öz yañı muzıkalı albomını (“QIRIM”) taqdim eter. 

Bizni Telegram'da oquñız