Bunıñ aqqında o, “Krım Wave” forumındaki öz çıqışı vaqtında bildirdi, haber ete “Ukrinform”nıñ mühbiri. 

“Qırım, Rusiye terkibinde qalacaq olsa, qırımtatarlar halq olaraq bütünle yoq olabileler. Til, medenitimizniñ mahv etüv telükesi, qazaqlaştıruv ve milliy özgünliginiñ ğayıp etüvi beklenile. Buna qarşı çıqqanlarını eñ şiddetli basqıları bekleycek. RF terkibinde Qırım tamır halqı içün iç bir aydın istiqbali yoq. Buna köre, birev, Qırımnı rusiye territoriyası olğanını tanıyıq aytqanda, keliñiz qırımtatarlarnı qurban eteyik kibi eşitile”, - qayd etti Cemilev. 

Tafsilâtlıca oquñız: Bütün “qırmızı şeritler” çoqtan keçirilgen: qırım advokatı, “diversiya” sebebinden qırımtatarlarda olğan çoq sayılı tintüvler aqqında tarif etti 

Qayd etkeni kibi, Qırım işğaliniñ doquz yılı, rusiye devletinde qırımtatarlarnen ne olacağını yahşı köstere. 

Onıñ fikirine köre, işğalnıñ bu yılları Rusiyede qırımtatarlarnı ne bekleycegini yahşı köstereler. 2014 seneden beri Qırımdan mecburiy tarzdan qırımtatarlarnıñ tahminen 30 biñ soyu çıqıp ketken, yani sürgünlikten soñ yarımadağa qaytqan bütün qırımtatarlarnıñ 10%. 2022 senedeki qanunsız mobilizatsiya kompaniyasından soñ daa 10 biñ qırımtatarı çıqıp ketken. Olarnıñ yerine Qırımğa RF 1 mln vatandaşı kirgen. 

Tafsilâtlıca oquñız: İşğalcılar partizan areketinden pek qorqalar: uquq qoruyıcı qırımtatarlarnıñ tintüv sebepleri aqqında tarif etti

“Genotsidden soñ ömürini saqlap olğan qırımtatarları, yarım asır devamında öz Vatanına qaytuvı içün kommunistik rejiminen tecavuziy olmağan küreşini keçirgen ediler. 2014 senesi uvut aynıñ soñunda Qırımğa kirgen rusiyeliler işğalge qarşı öz isyanlığını köstergen er kesge qarşı basqılarnı qullanmağa başladılar. İlk nevbette - sahte saylavlar, referendumnı körmemezlikke urğan qırımtatarlarğa qarşı. Şimdi işkence tedbirlerniñ 80%, hırsızlavlar, faallerniñ öldürüvi, Qırımnıñ tışına sürgünligi, 20 yılğa qadar tevqifler, kütleviy tintüvler qırımtatarlarğa çıqa”, - tarif etti qırımtatar halqnıñ lideri. 

Belli olğanı

• Çiçek aynıñ 3 işğalcılar, siyasiy sebeplerden olunğan makeme oturaşlarnı muntazam sürette ziyaret etken  qırımtatar faali Fazil Emirüseinovnıñ evinde tintüv keçirdiler. 
• Saban aynıñ 15 Qırımnıñ Aqmescit rayondaki Urojaynoye köyünde FTH işğal hadimleri uvut aynıñ 23 Bağçasaray rayondaki demiryolnıñ bozuluvı aqqında beyannamesi sebebinden faal ve grajdan jurnalisti Rolan Osmannıñ evinde tintüv keçirdiler. Onı Aqmescitteki FTH idaresine alıp ketirdiler. 
• Saban aynıñ 12 Urojaynoye köyünde işğal quvetçileri qırımtatar halqnıñ Qurultay namzeti Lemmar Yunusovnıñ evinde tintüv keçirdiler. 
• Uvut aynıñ 28 FTH hadimleri Qırımdaki Aqmescit rayonında Soyin Celilovnıñ evinde ediler, saban aynıñ 6 - Suvdağda Edem Murtazayevniñ evinde, saban aynıñ 9 operativ hadimleri daa eki qırım tatarı - Qırımdaki Krasnogvardeyskoye rayonında Memet Aşurovğa ve Qırımda bulunmağan Asan Abduramanovğa kirdiler. Saban aynıñ 11 Ahtem İsmailovnıñ evine. Olarnıñ episi, Poştovoyedeki demiryolnıñ bozuluvına er bir alâqasını red ete. 

Bizni Telegram’da oquñız