Bunıñ aqqında “Qırım birdemligi” CT bildire. 

Cepparovnı RF memuriy qanun bozuluvları aqqında kodeksteki 19.3 maddesine köre (qanuniy qararına ya da içki işler organlardaki hadiminiñ talaplarına isyanlığı) tevqif ettiler. 

Advokat Edem Semedlâyev Suspilne Qırımnı Qarasuvbazardaki makeme oturışından soñ memuriy tutıp alınğanları içün ayrı bölügine alıp ketirilgen Cepparovnı ziyaret etkeni aqqında bildirdi. Tintüvden soñ onı FTH binasına alıp ketirdiler, anda ise onen muzakeresini keçiridiler, ondan soñ “E merkeziniñ” işğal hadimleri onı alğanlar. Onıñ adına “miliske isyanlığı” içün memuriy protokolnı yazdılar. 

“Sanki dersin teşkerüv vaqtında uquq qoruyıcı organlarında ondan musadere etmege tırışqan noutbuknı çekip çıqarıp qanuniy talaplarına boysunmağan edi. Elbet de, Abdureşit ağanıñ sözlerine köre, o, uydurılğan iddialar, uydurılğan protokolıdır, çünki onı bilip böyle yapmaz edi, em de evde silâ, zırhlı yyeleklerli uquq qoruyıcı organlarınıñ hadimleriniñ büyük sayısı bulunğanda. İç bir adiy insan özüni böyle areket etmez. Abdureşit ağanıñ sözlerine köre, böyle tintüv ilk sefer keçirilmey, bu sebepten, özüni nasıl areket etmek kerek olğanını bile”, - dedi advokat. 

Semedlâyev şunı qoştı ki, saat 15:00 memuriy protokolnıñ tizilüvinden soñ onı Qarasuvbazardaki işğal rayon makemesine alıp ketirdiler, anda ise 12 künlik tevqifi miqdarında sıñırlama tedbirini seçip alğanlar. Bundan soñ onı Aqmescitke, Pavlenko 1 soqağına memuriy tevqif etilgenleri içün ayrı bölügine alıp ketirdiler. 

“Bu qararına şikâyet etecegimiz. Bugün er şeyni azırlap “Yuqarı makemesine” yollamağa tırışacağımız. Abdureşit ağa, bu qararınen, elbet de, razı degil. Özüni kilitli alda nasıl is etmek mümkün olğanı qadar is ete. Kamerada tek başına tutıla”, - qayd etti o. 

Belli olğanı

• Salı künü, çiçek aynıñ 25, vaqtınca işğal etilgen Qırımdaki Qarasuvbazarında rusiye quvetçileri uquq qoruyıcı Abdureşit Cepparovda tintüv keçirdiler.
• Sabalıq tintüvler vaqtında Cepparovnıñ avdokatları ve soy-sopları onı bütün kün tapıp olamay ediler. 
• Çiçek aynıñ 25 rusiye quvetçileri uquq qoruyıcını “miliske boysunmamazlığında” qabaatlanğanları aqqında belli oldı. Onı işğal etilgen Aqmecitteki Demiryol rayon bölügindeki cezahanesinde tutalar. 
• Ukraina prezidenti Vladimir Zelenskiy, çiçek aynıñ 25 qırımtatatar uquq qoruyıcısı Abdureşit Cepparovnıñ tintüvi ve ilerideki tutıp aluvını "Qırımdaki tamır halqına qarşı rusiye basqılarnıñ daa bir misali" olğanını aytqan.

Bizni Telegram'da oquñız