Bunıñ aqqında o öz video muracaatında bildirdi. 

"O, Qırımdaki tamır halqı, bütün insanlarımızğa qarşı rusiye basqılarnıñ daa bir misalidir. Qırımda ve Rusiyenen işğal etilgen bizim başqa vilâyetlerimizde tecavuz vaqtında biñlerce böyle misali", - bildirdi devlet başı. 

Onıñ sözlerine köre, tecavuzcı yoq etilmegence, kimse ve iç bir yerde telükesizlikte bulunğanını is etilmez. 

"Rusiye arbiyleri ve işğalcınıñ mahsus hızmetleri bizim toprağımızda insanlarımızğa qarşı yapqanlarını Ukrainada er kün isbat etkenidir. Ve o, başqa halqlarnıñ topraqlarına alıp ketirmege arzu etkenleridir", - qayd etti Zelenskiy. 

Bunen beraber, dünya, RF’nı ülkeniñ umumiy meraqlarında toqtatmaq mümkün olğanını añlay. Bunı USQ quveti, ortaqlardan silâ ve sanktsiyalar ve adaletlik adına umumiy işinen yapmaq mümkün.

"Rusiye terrorınıñ er kösterüvi, tecavuznıñ er künü - episi bu tribunalda - raşizmge dair, ayatlarını ve insanlarını mahv etkenlerine dair yañı Nürnbergte bitmek kerek olğanınıñ ilâve delilleridir. Rusiye, yeñilmek kerek. Dünyanıñ başqa bir olmamalı. Çünki başqası - ayat, aq, dünyanıñ mağlübiyetidir”, - qayd etti ukrain lideri. 

Belli olğanı

• Salı künü, çiçek aynıñ 25, vaqtınca işğal etilgen Qırımdaki Qarasuvbazarında rusiye quvetçileri uquq qoruyıcı Abdureşit Cepparovda tintüv keçirdiler.
• Sabalıq tintüvler vaqtında Cepparovnıñ avdokatları ve soy-sopları onı bütün kün tapıp olamay ediler. 
• Çiçek aynıñ 25 rusiye quvetçileri uquq qoruyıcını “miliske boysunmamazlığında” qabaatlanğanları aqqında belli oldı. Onı işğal etilgen Aqmecitteki Demiryol rayon bölügindeki cezahanesinde tutalar. 

Bizni Telegram'da oquñız