Bunıñ aqqında onıñ ömür arqadaşı Lilâ Lümanova, onen taqiqat tevqifhanesinde körüşüvden soñ “Qırım birdemligine” tarif etken. 

Yürek hastalığı sebebinden ekimler siyasiy mabusına Bicillin-5 ilâcını yazğanlar, bu ine uruvını aftada üç kere yapmaq kerek. Cezahanede bu ilâcını ve inelerni musadere etkenler, amma er kün qabul etken ilâclarnıñ qısmını özünde qaldırmağa izin berdiler. 

Lilâ Lümanova qayd etkeni kibi, o, ev tevqifinden taqiqat tevqifhanesine alıp keçirilmesinden soñ üç afta içinde olarnıñ ilk körüşüvi edi. Ömür arqadaşlar cam ögünde eki saattan ziyade laf etken ediler. Apayı, onıñ sağlıq alı, “muitniñ deñiştirüvi, aqiqatı, rejim sebebinden kerginleşkenini qayd etken. Suleymanovnı taqiqat tevqifhanesine kelüvinden soñ yerleştirilgen karantin bölgesi - küçük mağaz odasıdır. 

“Onıñ içinde 11 insan tutlğan edi, tütün qoqusı pek is etile edi, er kesden tek o sigara çekmegen edi”, - qayd etti o. 

Tafsilâtlıca oquñız: Uquq qoruyıcılar, grajdan jurnalisti Amet Suleymanovnıñ taqip etüvini toqtatmağa talap eteler

Taze avanıñ qıtlığı, qırımtatar musulmanında öksürik ve boğuluvını peyda ettirgenler. Daa onı köküsteki ağrısı ve yüksek basqısı çekiştire, yuuna köre, daima ilâclarnı içmeli. 

Taqiqat tevqifhanesinde siyasiy mabusını BMT’de işkencelerine qarşı komitetinden mektübine cevap olaraq prokuror ziyaret etken. O, cezahanede Amet Suleymanovnıñ bulunuvında emin olıp onıñ şikâyetleri barmı dep meraqlanğan edi. 

“Amet, taqiqat tevqifhanesinde onıñ ilk bulunuvından beri endi qanunsız olğanını cevapladı”, - qayd etti Suleymanovnıñ ömür arqadaşı. 

Daa taqiqat tevqifhanesinde berilgen yemegini aşamağa çaresi yoq. 

“Temizlemegen qartopnen şorbasını ilk sefer körgen. Böyle pişirip aşatalar”, - qayd etti Lümanova. 

Bundan da ğayrı, 2023 senesi uvut aynıñ 22 advokat Sergey Zayets, öz şikâyetine cevap olaraq İnsan aqları boyunca BMT idaresiniñ insan aqları saasında añlaşmalar bölüginiñ başı İbragim Salamından mektübini alğan. Mektüpte Salam avdokatnı işkencelerge qarşı komiteti RF içün neni qabul etkeni aqqında haberdar etti:

• Arizacınıñ şikâyeti Komitetniñ baquvında bulunaraq ükümden tutulmaq.
• Mahsus tibbiyet müessisinde onıñ kompleksli teşkerüvini keçirmek. 
• Teşkerüv neticelerine köre, kardiologiya tedaviylemesi/cerrahiy ameliyatnıñ keçirilmesini temin etmek. 

Şikâyet kopiyasını er bir malümatı ya da ihtarı Komitetke altı ay içinde kelmek kerek olğan ricasınen iştirakçı ülkesine yolladılar. Şikâyetke qarşı cevabını yapmaq içün Rusiye, eki ay içinde yazı beyanatnı alıp bermek kerek. 

Amet Suleymanov, yürekniñ qızıl qan damarı ve mitral qıtlığından çekişe. Yürek klapannıñ deñiştirüvi boyunca ameliyatnı yapmağa tevsiye etken ediler. Bundan da ğayrı, makemelengenniñ saqatlığı qayd etilgen edi, amma 2015 senesi Moskvada ameliyattan lâğu etilmesi sebebinden o çıqarılğan edi - Suleymanov, Kiyevdeki hastahanesinde muntazamiy tedaviylemesini alıp öz daimiy ekiminiñ közetüvi astında ameliyatnı keçirmege planlaştıra edi.

Belli olğanı

•  2020 senesi saban aynıñ 11 olıp keçken tintüv ve ilerideki tutıp aluvından soñ Aqmescitteki işğal makemesi, ev tevqifi olaraq sıñırlama tedbirini tayin etmege qabul etken - o, Rusiyedeki “Hizb ut-Tahrir” cinaiy davalarnıñ ameliyatında yekâne vaqiasıdır. Advokat Lilâ Gemici tarif etkeni kibi, makeme zalında sıñırlama tedbiriniñ seçip aluvı vaqtında onıñ alı fenalaşqan. 
• Makeme baquvınıñ bütün vaqıt devamında Amet Suleymanov, ea tevqifinde bulunmaqta edi. Baştan onı Rostov-na-Donudaki cenübiy arbiy bölge makemesine diñlevlerge alıp ketire ediler, amma soñra Qırım arbiy garnizonlı makeme degeninden video bağı ile çıqışta bulunmağa izin berdiler. Böyle şaraitlerde bile makemelengen, makeme oturışlarnı zor keçire edi, kimerde o, ekimni ziyaret etip olsun dep olarnı toqtatmaq kerek olğan edi. 
• Cenübiy arbiy bölge makemesi, Suleymanovnıñ sağlıq alına dair imaye tarafınıñ çoq sayılı arizalarına baqmadan, onı 12 yıl müddetine qattı nizamlı koloniyasına yollamağa qararını alğan. 
•  Vlasihadaki rusiye istinaf makemesi, grajdan jurnalisti Amet Suleymanov, Rustem Seytmemetov, ağa-qardışı Seytumer ve Osman Seytumerovğa dair advokatlarnıñ şikâyetini red etip Cenübiy rabiy bölge makemesiniñ qararını quvette qaldırğan. Advokat Lilâ Gemici, ükümni ölümli dep saya: “Onı can bermege mahküm etkenler. Böyle diagnoznen insan içün tevqif etüvi - tsinizmdir”. 
• 2020 senesi saban aynıñ 11 başlap 2023 senesi çiçek ayına qadar o, yürekniñ ağır hastalığı sebebinden ev tevqifi astında bulunmaqta edi. 
• 2023 senesi çiçek aynıñ 5 FTH hadimleri ükümni ayatqa keçirmek içün Suleymanovnıñ evine kelgenler. Rusiye quvetçileri onı tevqif astına alıp Aqmescitteki taqiqat tevqifhanesine alıp ketirgenler. Qırımtatarını “terrorizm” aqqında sahtelengen davasında 12 yılğa qattı nizamlı koloniyasında azatlıqtan marum etüvine mahküm etttiler. 

Bizni Telegram'da oquñız