Bunıñ aqqında Stelmah, çiçek aynıñ 25 Kiyevde “Krım Wave” forumı vaqtında haber etti, bildire “Ukrinformnıñ” mühbiri.

“Olardan biri - şübesiz, anda yaşağan vatandaşlarnıñ telükesizliginiñ temin etilmesidir. Ekincisi ise - rusiye bazalarından yarımadanıñ askerlerden marum etüvi”, - qayd etti o.

Üçüncı adımı olaraq Reintegratsiya nazirliginiñ baş muavini, ukrain devletine dair cinayetlerde qabaatlı olğanlarnıñ mesülietke celp etilmesi ve yarımadada qanunsız tarzda bulunğanlarnıñ sürgün etilmesini aytqan. 

Tafsilâtlıca oquñız: Serbest etilgen Qırımdan rusiyelilerniñ sürgün etüvi, halqara aqnıñ qaidelerine köre olunmaq kerek - Bariyev

Dörtünci adım - devlet akimiyet organlarnıñ yañıdan tiklemesi. 

“Bunıñ içün nazirligimiz, QMC’de Prezident temsilciligi, Prezident ofisinen beraber kadrlar yedeginiñ teşkil etilmesine air uquqiy aktı üzerinde çalışmaqtadır. Devlet akimiyet organlarında devlet hızmet meseleleri boyunca agentliginen qabul etilecek insanlarnıñ cedvelleri tizilecekler. Böyleliknen, Qırımnıñ azat etilmesinden soñ oña yollanılacaq olğan hadimler sicili teşkil etilecektir. Qırımdaki bütün vazifeler mütehassıs ve, şübesiz, vatanperver insanlarnen qaplap alınmalı”, - qayd etti Stelmah. 

Onıñ sözlerine köre, kadr yedeginiñ teşkil etilmesi vaqtında vazifelerniñ alınmasına ilk aqqı, tamır, ayrıca qırımtatar halqnıñ vekilleri ve vatanperverlik tarafdarı olğan gençler ve veteranlarına berilmek kerek. 

Tafsilâtlıca oquñız: Qırımnıñ yañartılğan strategiyası, yazda qabul etilecek - Taşeva

Beşinci adım - malümat telükesizliginiñ temin etilmesi, yani rusiye KHV, yarımadada üküm sürmeceklerini yapmaq. 

“Anda ukrain akimiyetiniñ aqiqiy fikiri, ecnebiy KHV’nıñ irişimi daima olmalı. İnsanlar rusiye propagandasınıñ vakuumında yaşamağa toqtamalılar”, - qayd etti Reintegratsiya nazirliginiñ baş muavini. 

Belli olğanı

• Qırım MC’de Ukraina prezidentiniñ temsilciliginden qırımtatarca astâzılarınen “ProKrym: Qırımnıñ devlet reintegratsiyası siyaseti” onlayn bedava dersniñ işletüvinden bir ay soñra 6 891 vatandaşı onıñ keçüvi aqqında sertifikatnı endi alğan. Daa derske 8 537 insan resmiyleştirilgen.
• Qırım MC’de Ukraina prezidentiniñ daimiy vekili Tamila Taşeva, Qırımnıñ deokupatsiyasından soñ yerli saylavlarnı birden keçirmeyceklerini ilân etken. baştan arbiy memuriyetlerni, soñra ise arbiy-cemaat memuriyetlerine olabilgen keçüvini teşkil eterler.
• Qırım MC’de Ukraina prezidentiniñ daimiy vekili Tamila Taşeva ilân etkeni kibi, Qırım yarımadasınıñ qaytaruvından soñ vaziyetini idare etebilmek içün Ukrainadan farqlı saadaki 50 biñ hadimi kerek olır. 
• Qırım MC’de Ukraina prezidentiniñ daimiy vekili Tamila Taşeva ilân etkeni kibi, vaqtınca işğal etilgen Qırımnıñ sakinleri işğalge imkân yaratmağan olsalar ve Ukrainağa qarşı Rusiyeniñ cenkine qol tutmağan olsalar “memuriyetlernen” işdeşligi içün cinaiy mesüliyetligini çekmemeliler. 

Bizni Telegram’da oquñız