Tutıp alınğan Cepparovnıñ sabalıq tintüvlerden soñ advokatlar ve soy-sopları onı tapıp olamaylar
Advokat Edem Semedlâyev bildirgeni kibi, Qarasuvbazarda tintüvler vaqtında qırımtatar uquq qoruyıcı Abdureşit Cepparovnıñ evinde işğalcılar tehnika ve pasportnı musadere etkenler, qırımtatarını ise tutıp alıp belli olmağan yönelişte alıp ketkenler. Onıñ soy-sopları ve imayecileri erkekni rusiye quvetçilernen tutıp alınğan vatanaşlarnıñ sıq alıp ketirilgen yerinde qıdıra ediler, amma neticesiz.
Bunıñ aqqında Semedlâyev “Suspilne Qırımnı” bildirgen.
Qayd etkeni kibi, Cepparovnnı soy-soplarınıñ sözlerine köre, onıñ evinde tintüvler vaqtında işğalcılar tehnika ve pasportlarnı alğanlar, uquq qoruyıcını ise tutıp alıp belli olmağan yönelişte alıp ketkenler.
“FTH binasına keldim, nevbetçige telefon açıp öz işançıma kelgenimni haber ettim. Bazı vaqıt soñra nevbetçi maña kene de telefon açıp Abdureşit Cepparovnı İdarege alıp ketirmegenlerini aytqan”, - dedi advokat.
Bundan soñ imayeci, “E Merkezine” ketken, anda da böyle vatandaşı olarda yoq olğanını bildirdiler. Onıñ işdeşi, Cepparovnı Qırım boyunca İİN işğal İdaresinde qıdırğan edi, amma qırımtatarını anda da tapmağanlar.
“İİN sıcaq şeritine telefon açtıq, anda ise insan ğayıp olğan ve iç bir malümat olmağanını haber ettiler. Şimdiki vaqıtqa qadar başqa malümatı yoq”, - qayd etti Semedlâyev.
Belli olğanı
- Salı künü, çiçek aynıñ 25, vaqtınca işğal etilgen Qırımdaki Qarasuvbazarında rusiye quvetçileri uquq qoruyıcı Abdureşit Cepparovda tintüv keçirdiler.
Bizni Telegram'da oquñız
