RF QB limanıdır: jurnalistler Aqyarda dronlarnıñ gece ücümi neticesinde olğan patlavınıñ muyen yerni tayin etkenler
Ukrain jurnalistler işğal etilgen Aqyarda suv astı UUA’niñ gece ücümi vaqtında olğan patlavnıñ muayen yerni tayin etkenler. Şeerniñ işğal gubernatorı Mihail Razvojayevniñ arizalarına baqmadan, ağda Striletskiy limanında nesi patlağanını tasdıqlağan foto ve videosı bar.
Bunıñ aqqında "İnsayder UA" Telegram-kanaldaki jurnalistlerniñ küçük tahqiqatnda söz kete.
Böyleliknen, Razvojayev, öz Telegram kanalında bildirgenine köre, suv astı uçucısız uçaq aletleri rusiyedeki Qaradeñiz bahriyesiniñ Striletskiy limanına kirmegenler, limanına kirmegence tışqı reydinde patlağan ekenler.
“Muim bir şey: Striletskiy limanına dron kirmegen. Aqyarnıñ tışqı reydi, Hersones burnısınıñ meridiannen sıñırlanğan akvatoriyası ola, yani sıñırlamasınıñ pekitilgen yerinde limanğa kirüvi ögünde o, tışqı reydi ola”, - yazdı o.
Amma vaqia olğan yerinden şaitlerniñ foto ve videoları aksinesini tasdıqlaylar.
“Ukrain dronlarnıñ ücümından soñ olğan tumanı, RF Qaradeñiz bahriyesiniñ rusiye cenkâver gemilerniñ toqtalğan yerinde körüne. Bu yer, Striletskiy limanıdır”, - bildire "İnsayder UA".
Menba: t.me/insiderUKR
Belli olğanı
- Bazarertesi künü, çiçek aynıñ 24, işğal etilgen Aqyarda eki şiddetli patlav eşitilgen edi. Şeerniñ işğal gubernatorı Mihail Razvojayev bildirgeni kibi, Qaradeñiz bahriyesiniñ tışqı reydinde eki suv astı uçucısız uçaq aletiniñ ücümi edi.
- Ukraina ava quvetlerinde Aqyarğa suv astı UUA gece ücümini tefsir etkenler.
Bizni Telegram'da oquñız
