Bunıñ aqqında Qırım boyunca işğal FTH haber ete, bildire Telegramda rusiye malümat agentligi RІA "Novosti Krım". 

FTH hadimleriniñ iddialarına köre, yerli sakin, bu batalyonnıñ faaliyetiniñ temin etilmesinen faal sürette oğraşmaqta olğan eken. Oña 2016 senesi kirgen. 

“QAT’da öz iştirağını öz istegine köre toqtatmağa aqiqiy fırsatınıñ bar oluvına köre, şübelengen, uquq qoruyıcı organlarına bunıñ aqqında arizasınen muracaat etmegen. Bunen beraber, batalyonda iştirağına köre, öz cinaiy faaliyetini devam etken”, - denile Qırım boyunca FTH işğal matbuat hızmetiniñ beyanatında. 

Qırımlını, halqara aqqı ve ukrain qanunlarına baqmadan, RF CK 208 m. 2 q. köre (federal qanunlarınen köz ögünde tutulmağan silâlı şekillendirüvinde iştirağı) mahküm etkenler. 

“Aqmescitniñ Kiyev rayon şeer makemesi, makemelengenni qayd etilgen cinayetinde qabaatlı olğanını tanığan ve ilk yılnıñ apishanede keçrilmesinen dört buçuq yıl müddetinde azatlıqtan marum etüv cezasını tayin etken, qalğan müddetini bir yılğa azatlıqtan marum etüvinen qattı nizamlı koloniyasında keçirecek”, - qayd etile beyanatta. 

Belli olğanı

• Aqmescitteki Kiyev işğal rayon makemesi, Kezlev sakinini Noman Çelebicihan adına qırımtatar batalyonında iştirağı içün 9 yılğa ğıyaben mahküm etken. 

Bizni Telegram'da oquñız