“Olar endi er şeyniñ üzerinde çalışqanlar”: Budanov, Qırımğa Ukrainanıñ kirüvinden soñ Rusiyeniñ cevabını tahmin etken
Ukraina MN İBİ başı Kirill Budanov bildirgeni kibi, Qırımğa Ukrainanıñ kirüvi aqqında haberleri rusiye propagandacılarnen endi azırlanılğanlar ve rusiyeliler bunı “yutarlar”.
Bunıñ aqqında o “RBK-Ukraina”nıñ intervyüsinde bildirgen.
Budanovnıñ sözlerine köre, Qırımnıñ ğayip etüvleri aqqında fikirleri rusiye idaresi ve rusiyeliler arasında farqlanacaqlar, amma olarnıñ propagandacıları Hersonnıñ deokupatsiyasınen olğanı kibi, RF mağlübiyetini aqlamağa tırışacaqlar.
“Bunı qabul etmege zor, amma aytması kerek ki: olarnıñ propagandalı maşnası, Hersonnıñ ğayıp etüvi vaqtında özüni yahşı etip köstergendir. Hersonnıñ ğayip etilmesini adiy er künlik işi kibi köstergenler, ya o ise - “mahsus arbiy ameliyatı” degeniniñ eñ büyük zarifi edi. Em de, o, olar içün pek yahşı olğanını da köstergenler”, - qayd etti Ukraina MN İBİ başı.
Tafsilâtlıca oquñız: Ukraina, bu yılnıñ soñuna qadar ğalebe qazanıp Qırımnı qaytarır - AQŞ generalı Ben Göces
Şunı qoştı ki, propagandacılar Rusiyenen işğal etilgen yarımadasınıñ ğayip oluvını naıl köstereceklerini endi bileler, amma ukrain istihbaatına olarnıñ “usuliyetnameleri” endi belli.
“Yani olar endi er şeyniñ üzerinde çalışqanlar. Qırımdaki vaqialarnıñ vaqtında haberlerni nasıl etip köstermesine dair usulları endi bar ve biz olarnı yahşı bilemiz. Olarnıñ cemiyetine tesir eteceklerine şübemiz yoq”, - dep añlattı Budanov.
Belli olğanı
- Ukraina Mudafaa nazirligindeki İstihbaratınıñ Baş idaresiniñ başı Kirill Budanov, Ukraina silâlı quvetler işğal etilgen Qırımğa baarde kirecekleri aqqında öz evelki tahminini tasdıq etken.
- Nazirler kabineti, Qırımnıñ mesken yerlerniñ adlarınıñ deñiştirüvine dair mesleatlarnı keçirer.
- İstifalı avstriya generalı, arbiy eksperti Mik Rayan, Qırımnıñ deokupatsıyası içün kerek olğan dört esas şaraitni aytqan. Olardan biri - Ukrainadaki cenübiy vilâyetlerni rusiyr işğalcılarından servest etüvi boyunca ameliyatnıñ bitirüvi .
- Milliy telükesizlik ve mudafaa şurasınıñ kâtibi Aleksey Danilov ilân etkeni kibi, 2023 senesi Ukraina Siyalıl Quvetleri şimdi Rusiyenen işğal etilgen Lugansknen Donetskke kibi Qırımğa da kirerler.
- Mudafaa naziri Aleksey Reznikov, Ukraina, Rusiyede içindeki mudafaası neticesinde vaqtınca işğal etilgen Qırımnı qaytarıp olacaq dep tüşüne.
Bizni Telegram'da oquñız
