Bunı o, öz Telegram kanalında yazğan. 

İşğal gubernatornıñ malümatına köre, suv astı UUA ücümları saat 03:30 başlağanlar. Bunen beraber “Krımskiy veter” Telegram kanalına şaitler bildirgenleri kibi, Gagarin, Lenin ve Nahimov rayonlarında eşitilgen patlavlar arasında 8 daqqalı arası olğan edi. Olarnıñ sözlerine köre, ilk patlav saat 03:30 olğan edi, ekincisi ise - 03:44. 

“Bahriyemiz şimdi tışqı reydinde suv astı uçucısız uçaq aletlerniñ ücümine cevab bere. Şeerniñ bütün hızmetleri azır. Sakin olayıq… Şimdiki vaziyet: dronlardan birini AQQ yoq etkenler, başqası özü patlağan. Er şey tışqı reydinde olıp keçken, iç bir obyekt zarar körmegen”, - bildirdi Razvojayev. 

Menba: t.me/insiderUKR

Daa şunı iddia ete ki, şimdi patlavlar toqtalğanlar, Aqyarda tınç, amma bütün işğal quvetleri ve hızmetleri cenkâver azırlığı alında bulunmaqtalar. 

Şaitler qayd etkenleri kibi, deñiz tarafına büyük atış tertibatından nevbetler eşitilgen edi. Techizler ile deñiz yalısından atış olğan edi, soñra ise tutaşıp yanğan ve Striletskaya limanı yanında patlağan.

“ÇP Sevastopol” yerli rusiye tarafdarı olğan Telegram kanalı bildirgeni kibi, patlav dalğasından yarıq bergen reklamasını parçalağan, qurucılığını bitirmegen binasındaki qapılar ve pencelerni açıp anda çerçivelerni yoq etken. 

Menba: t.me/chp_sevastopol

Saat 07:58 qadar işğal Aqyarda deñiz naqliyatnıñ işini yañıdan başladılar. 

Belli olğanı

• Çiçek aynıñ 22 Lenin rayonında patlav seslerini eşitken ediler. İşğal akimiyetiniñ malümatına köre, AQM sisteması çalışqan edi. 

Bizni Telegram'da oquñız