Ukraina, bu yılnıñ soñuna qadar ğalebe qazanıp Qırımnı qaytarır - AQŞ generalı Ben Göces
Avropadp AQŞ ordularnıñ sabıq reberi, general Ben Göcesniñ tahminine köre, USQ kelecek ücümi vaqtında ukrain arbiylerniñ esas vazifesi vaqtınca işğal etilgen Qırımnıñ izolâtsiyası olacaq.
Bunı DW yaza.
Qayd etilgeni kibi, ukrain arbiyleri RF SQ mudafaasını cenübiy cebeniñ tar yerinde yıqmağa tırışacaqlar. Bundan soñ Ukraina qoruyıcıları Azaq deñizine uzanıp yarımadada Rusiyeniñ quru yol koridorını kesip onıñ izolâtsiyasını başlaybileler.
Göces şunı qoşqan ki, ukrain arbiyleri HIMARS ve başqa uzaq mesafeli silânıñ yardımınen işğal etilgen Qırımda rusiyelilerniñ müim obyektlerini urabileler.
Tafsilâtlıca oquñız: “Cedvelimizge köre er şey keteyata”: İBİ başı Budanov Qırımnıñ deokupatsıyası aqqında
"Qırımda rusiyeliler içün soñunıñ başlanuvıdır", - qayd etti general.
Onıñ sözlerine köre, Ukraina, bu planını muvafaqiyetli kerçekleştirip olsa, RF qarşı cenkte ğalebesini daa 2023 senesiniñ soñunda qazanır. Amma bunıñ içün esas şartı, ğarbiy ortaqlarnen kerek olğan silânıñ teslim etilmesidir.
Belli olğanı
- Ukraina meseleleri boyunca AQŞ Devlet departamentiniñ ayrı sabıq vekili Kurt Volker, Qırımnıñ deokupatsıyasını başlamağa Ukrainanıñ çaresi endi bar olğanını saya.
- İstifalı avstriya generalı, arbiy eksperti Mik Rayan, Qırımnıñ deokupatsıyası içün kerek olğan dört esas şaraitni aytqan. Olardan biri - Ukrainadaki cenübiy vilâyetlerni rusiyr işğalcılarından servest etüvi boyunca ameliyatnıñ bitirüvi .
- Milliy telükesizlik ve mudafaa şurasınıñ kâtibi Aleksey Danilov ilân etkeni kibi, 2023 senesi Ukraina Siyalıl Quvetleri şimdi Rusiyenen işğal etilgen Lugansknen Donetskke kibi Qırımğa da kirerler.
Bizni Telegram’da oquñız
