Bunıñ aqqında "Qırım birdemligi" bildire. 

"O, Rostov-na-Donuğa mecburiy qannusız alıp keçirilmesiniñ areketilir. O, siyasiy ve din baqışları içün taqip etilgen qırım faallerniñ aqlar ve serbestliklerniñ bozuluv zıncırında ayrı bir saasıdır. Qırım territoriyasından vatandaşlarımıznıñ tecavuziy hırsızlavlarını halqara idarelerde ayrıca şikâyet etermiz", - qayd etti Kroşnıñ advokatı Emil Kürbedinov. 

İmaye tarafı tüşüngeni kibi, mahsus hızmetler Cankoydaki qırım faallerniñ davasını Ukrainadaki cenkine mahsus "yapıştırdılar". 

"Siyasetçilernen, kütleviy haber vasialarda ve mahsus hızmetlerinen sanki dersin Ukrainadan idare etilgen "terroristik teşkilâtı" yoq etilgeni aqqında bildirilgen edi. 2022 senesi uvut ayından soñ olayatqan vaqialarnen alâqalı şiarıdır", - dep qoştı Kürbedinov. 

Temeryanov ve Kroşnen beraber Qırımnıñ Canköy rayonında "Hizb ut-Tahrir" davasında tevqif etilgen daa eki qırımtatarı Rinat Aliyev ve Edem Bekirovnı yolladılar. Başqa figurantı - Seytâg Abbozov, Qırımda ev tevqifi astında bulunmaqtadır, bildirdi Enver Kroşnıñ ömür arqadaşı Ayşe Kroş. 

Uquq qoruyıcılar qayd etkenleri kibi, şimdi dört qırımtatarınıñ bulunğan yeri belli degil, amma "Qırımda alışılğan ameliyatına köre, olarnı Rostov-na-Donkdakt tahqiqiy tevqifhanelerniñ birine alıp ketirmek kerek ediler". 

Belli olğanı

• Kroş, Temeryanov, aliyev, Mustafayev, Abbozov ve Bekirovnıñ evelki tahqiqatı soñuna yetken. RF FTH, malümatlarnı Rostov-na-Donudaki Cenübiy arbiy bölge makemesine yollağan prokuraturasına endi alıp bergen. 
• Qırımtatarlarnı, Rusiyede 2003 senesinden beri yasaq etilgen, amma Ukrainada ve dünyadaki başqa ülkelerinde serbest tarzda areket etken Hizb ut-tahrir islam siyasiy fırqasınen bağda şübelenip 2022 senesi arman ayında işğal etilgen Cankoyda tevqif ettiler. “Qırım birdemligi” israr etkeni kibi, “birinci Canköy gruppasınıñ” cinaiy davasındaki qabaatlavınıñ esasında tek 2025 senedeki camide yapılğan muzakeresiniñ ses qayd etilmesi bar. 

Bizni Telegram'da oquñız