İşğalcılar Qırımda “arbiy-vatanperverlik” lagerlerni teşkil etip anda VİT’dan balalarnı “davet eteler”
Rusiyeliler Herson vilâyetindeki vaqtınca işğal etilgen rayonlarından talebelerni işğal etilgen Qırımda “arbiy-vatanperverlik” lagerleri degenlerine davet eteler. Qayd etilgeni kibi, ukrain balalarnı ocalar ve terbiyecilerinden ğayrı, rusiye arbiyleri de qayğıracaqlar.
Bunıñ aqqında Ukraina mudafaa nazir muavini Anna Malâr bildire.
Onıñ sözlerine köre, böyle qırım lagerlerinde Ukrainanıñ işğal etilgen territoriyalarından balalarına rusiye tecavuziy ğayelerni ögretecekler.
“Vaqtınca işğal etilgen ukrain territoriyalarından talebelerniñ vaqtınca işğal etilgen Qırımdaki lagerlerine öz istegi ile yollanılmasına dair şiddetli propagandalı kampaniyası başlanılğan. Qayd etilgen lagerlerinde balalarnıñ spartalı şaraitlerinde yaşayışı ve rusiye federatsiyasınıñ silâlı quvetlerniñ arbiy hızmetçilerniñ idaresi astında “arbiy-vatanperverlik terbiyeleviniñ” şiddetli tedbirlerniñ keçirilmesi köz ögünde tutula”, - qayd etti memur.
Tafsilâtlıca oquñız: Qırım talebelerni mayısnıñ 9’na “MAA qaramanları” içün “medallerni” yapmağa mecbur eteler
Malâr daa şunı bildirdi ki, öz balalarnı Qırımğa yollamağa red etken ana-babalarnı rusiyeliler olarnı quvet ile almasınen qorqutalar.
Belli olğanı
- Qırımnıñ işğal başı Sergey Aksönovnıñ qararına köre, yarımadada “balalarnıñ arbiy-vatanperverlik terbiyelevi maqsadınen” arbiy komitetler ve mekteplerniñ işdeşliginiñ inkişafını quvetleştirmek kerekler.
- İşğal etilgen Aqmescitte kiçik mektep ve bala bağçalardaki yaşında olğan balalarnı “arbiy azırlanuv” derslerinde silânı qullanmağa ögreteler. Bunen beraber RF territoriyasındaki mekteplerde “cesaretlik dersleri” keçe, anda balalarğa Ukrainanen cenk aqqında tarif etip Qırım Rusiyeniñ qısmı olğanını iddia eteler.
- İşğal etigen Qırımda mektep müzeylernıñ 42,5% arbiy olıp ve askerleşüv teşviqatını keçireler. 2021 senenin malümatlarına köre, yarımadada 107 kadet sınıfları ve 25 “Yaş ordu” regional ştabları areket eteler.
- Rusiye maarif nazirligi, yuqarı sınıflardaki talebeler içün yañı mektep programmasını tasdıq etken. Endi olar Rusiye tarihınıñ çerçivelerinde “2014 senedeki Ukrainada olıp keçken devlet inqilâbı”, “Rusiyenen Qırım ve Aqyarnıñ birleştirüvi” ve soñki bir qaç yıl içinde Ukrainada olıp keçken vaqiaları aqqında rusiye propagandacılarınıñ bozulğan tasvirinen bir qaç iddiasını oquycaqlar.
Bizni Telegram'da oquñız
