“Hizb ut-Tahrir davasında” üç siyasiy mabusınıñ tevqifini uzattılar
Rostov-na-Donudaki cenübiy arbiy bölge makemesi, “Hizb ut-Tahrir” davasınıñ dörtünci bağçasaray gruppasındaki iştirakçıları Alim Sufyanov, Seyran Hayredinov ve Aleksandr Sizikovnıñ tevqifini uzattı.
Bunıñ aqqında “Qırım birdemligi” Facebook’ta bildire.
Qayd etilgeni kibi, Cenübiy arbiy bölge makemesinde Aleksandr Sizikovnıñ iştirağınen munaqaşalarnı planlaştırğan makeme oturışı ötkerilmek kerek edi.
“Amma eki makemeciniñ yoq oluvı sebebinden makeme, makemelengenlerine sıñırlama tedbiriniñ uzatılması aqqında qararını qabul etken. Makeme, üç ayğa Alim Sufyanov ve Seyran Hayredinovğa tevqifniñ uzatılması, ve Aleksandr Sizikovnıñ sağlıq alına baqmadan, oña ev tevqifiniñ uzatılması aqqında qararını qabul etken”, - bildirdiler uquq qoruyıcılar.
Belli olğanı
- 2020 senesi oraq ayında Qırımda kütleviy tintüvler vaqtında yedi şahıs tutıp alınğan edi. İsmet İbragimov, Zekirya Muratov, Vadim Bektemirov, Emil Ziyadinov, Alim Sufyanov, Seyran Hayredinov makeme zalında tevqif etilip taqiqat tevqifhanesine yerleştirilgen ediler. Zayıf körgen közleri içün I saqatlıq gruppasına ait olğan Aleksandr Sizikovnı ev tevqifine yolladılar.
Bizni Telegram'da oquñız
