Bunıñ aqqında “Qırım birdemligi” bildire. 

Başqurtistandan işğal etilgen Qırımğa yolunda onı advokat Edem Semedlâyev refaqat etken edi. 

“İç bir sebepsiz yedi yılnı keçirgen Arsenni qarşılamağa keldik. İnşalla, oğlularım da yaqında kelip olarnı da böyle cemaatında qarşılarmız”, - paylaştı duyğularnen eki siyasiy mabusı Ekrem ve Enver Kroşnıñ anası. O, Cepparovlarnıñ ailesini hayırlamaq içün iftarğa kelgen. 

Menba: Qırım birdemligi

Suvdağdan cemaat qoruyıcı Seytosman Karaliyev de öz rayondaki aqsaqallarınen beraber siyasiy mabusınıñ körüşüvine kelgen. 

“Ramazan aynıñ soñunda öyle güzel vaqiası - qardaşımız, Arsen Cepparov serbest olğan. Halqnen beraber mında toplandıq. Qırmnıñ farqlı köşelerden insanlar onı qarşılamaq, bu quvançlı, duyğulı daqiqalarnı onen beraber keçirmek içün kelgenler”, - aytqan o. 

Menba: Qırım birdemligi

qırımdaki Aqmescit rayonında olğan iftarından soñ Arsen Cepparovnı evge Krasnokamenkağa alıp ketirdiler.Soy-soplar ve qomşular onı çiçekler ve levhalarnen qarşılay ediler. 

Menba: Qırım birdemligi

“Bugun, belki de, eñ bahtlı künümdir - oğlumnı beklep oldım. Advokatlar Emil ve Edemge onı telükesizl aldı alıp ketirgenleri içün büyük teşükkerlerni bildirem. Bizni bütün bu yıllar içinde desteklegen bütün halq ve cemaat sağ olsun”, - tefsir etti oğlusı Arsen Cepparovnen körüşüvni anası Arzı. 

Belli olğanı

• 2023 senesi çiçek aynıñ 17 “âltadaki” Hizb ut-Tahrir davasında 7 yılğa mahküm etilgen siyasiy mabusı Arsen Cepparovnıñ tevqif müddeti soñuna yetken. Salavatta ara qapı yanında onı advokat Edem Semedlâyev qarşıladı.
• Arsen Capparovnı 2016 senesi çiçek aynıñ 18 tutıp aldılar. Tevqiften bir ay evelsi onıñ işine FTH kelgenler, işdeşlikke celp etmege istegenler. Red etüv alda onı cinaiy davasınıñ bozuluvınen qorquta ediler. 
• FTH’nen çalışmağa red etüvi içün onı iş yerinden quvdılar. Arsen Cepparovnıñ ekinci ihtarı, Yalta şeerindeki yolunda FTH hadimlerinen onıñ aqlardan marum etüvinen olunğan.
• 2016 senesi çiçek aynıñ 18 Aluşta rayondaki Krasnokamenka köyünde tintüvlerni qırımtatarlar Arsen Cepparov ve Refat Alimovnıñ evlerinde keçirgenler. Keççe olarnıñ davalarnı eki aydan evel tutıp alınğan Müslim Aliyev, Enver Bekirov ve Vadim Surikovnıñ cinaiy davalarınen birleştirgenler. Uquq qoruyıcılar coğrafiya ümdesine köre, onı Hizb ut-Tahrir davasında “âltadaki gruppası” dep adladılar. 
• 2019 senesi qasım aynıñ 12 Cenübiy arbiy bölge makemesi, Aliyev Müslim Nuriyeviçke 1 yılğa azatlıqtan marum etüvinen 19 yılnı, Bekirov Enver Nebiyeviçke - 1 yılğa azatlıqtan marum etüvinen 18 yılnı, Siruk Vadimine - 1 yılğa azatlıqtan marum etüvinen 12 yılnı, Alimov Refatqa - 1 yılğa azatlıqtan marum etüvinen 8 yılnı, Cepparov Arsenge - 1 yılğa azatlıqtan marum etüvinen 7 yılnı tayin etken. 

Bizni Telegram'da oquñız