Bunıñ aqqında İnsan aqları boyunca Avropa Şurasınıñ komissarı Dunâ Miyatoviç, 2014 senesi RF’nen qanunsız tarzda işğal etilgen ukrain Qırım Muhtar Cumhuriyeti ve Aqyar şeerinde qırımtatarlarnıñ insan aqlarınen vaziyeti aqqında maruzanı yayınlap bildirdi. 

Komissar, qırımtatarlarnıñ basqılarnı, tevqiflerni, taqip etüvlerni ve uquq qoruyıcılar, faaller ve jurnalistlerniñ tintüvlerni toqtatmağa çağırğan. 

Miyatoviç, RF territoriyasında azatlıqtan marum etüv yerlerde bulunğan qırımlılarğa insaniy munasebetine de çağıra. 

“İnsan aqlarınıñ  halqara közetüv meanizmleri ve gumanitar teşkilâtlarınıñ qırımtatarlarnen beraber bütün tevqif etilgenlerine telükesiz ve maniasız irişimi olmalı”, - qayd etti o. 

Miyatoviçniñ sözlerine köre, qırımtatarlarnıñ toplaşuvlar ve baqışlarnıñ ifade etilmesi, din qılınması, qırımtatarca tasili ve medeniy mirasınıñ saqlanuvına aqqı olmalı. 

Qırımda qırımtatarlarnıñ mecburiy çağıruvı ve arbiy mobilizatsiyasını toqtatmağa da çağırğan. 

Bizni Telegram'da oquñız