Böyle ğayeni Ukraina tışqı işler naziri Dmitriy Küleba, Bükreşteki Qaradeñiz telükesizlik konferentsiyasında bildirgen, paylaşa “Avropalı kerçegi”niñ mühbiri. 

“Gurcistan, Ukraina, Suriye ve kene de Ukraina - Moskva, bir ücümden başqasını yapqan edi. Rusiyelilerniñ “şahsiy kerçegi” bar olğanına Ğarpta insanlarnıñ çoqusı inanmağa istegen. Amma yekâne kerçegi şusı ki, Rusiye, Avropanı tesir saalarına bölmek içün nevbetteki “âlta” konferentsiyasını keçirmege neticeli maqsadınen büyük imperalistik cenkine ep azırlana edi”, - qayd etti Küleba. 

Onıñ sözlerine köre, Ğarpnıñ sıralı qaradeñiz strategiyası olmağan edi, amma tecavuzcı devletinde o er vaqıt bar edi: tecavuziy, revanşlı ve insaniyetsiz strateniyası. Ukrainanıñ territorial bütünligine RF ilk suiqastı, 20 yıl evel Qara deñizde Tuzla adasında olunğan. 

Tafsilâtlıca oquñız: Yıl evel “Neptun” raketalı kompleksi ile “Moskva” duşman gemisi batılğan edi

“Er adımda Rusiye, Ğarpnıñ şübelengen yerinde areket etken edi. Qorqu ile peyda ettirilgen muqaytlığı, 2008 senesi Ukraina ve Gürcistan içün NATO qapılarnı qapatqanda, Rusiye, eki ülkege tecavuz etip tez sürette cevap bergen. Rusiye, manyak olmağa başladı, amma liderlerniñ çoqusı, eñ yahşı strategiyası - maniyaknı daa bahtlı yapmaq fikirine kelgenler. Bunen beraber, onıñ qurbanlarını imayesiz qaldırıp”, - qayd etti Ukraina TİN başı. 

Küleba, Vilnüsteki Alyansnıñ eñ yaqın sammiti, vilâyetniñ telükesizligi boyunca hatalarnıñ tuzetilmesi ve NATO’ğa Ukrainanıñ azalıq yolunda müim adımlarnıñ yapılması içün fırsatı olğanında emin. 

“Qorqu, strategiya olmağanını epimiz endi añlagaanımıznı körem. Serbestlikte maniyaknıñ bulunuvı qorqutqan vilâyetteki bütün devletleri içün telükesizlik sistemasınıñ üzerinde çalışuvı içün vaqtı kelgen.  Baltıq deñizi  kibi NATO soyuna çevirilgeni kibi, Qara deñizniñ de vaqtı kelgen. Bu cenk, vilâyetniñ telükesizligi ayırılmaz olğanını tasdıq etken - birev içün olğan telükesi, er kes içün havlıdır”, - qayd etti ukrain naziri. 

Tafsilâtlıca oquñız: Ukraina Mudafaa nazirligi, RF QD gemileri içün “sürprizni” yayınlağan

Aynı zamanda tışqı işler nazir muavini Emine Ceppar, "UARazom" milliy telemarafonnıñ yayısında, misal olaraq, umumiy patrul şeklinde Qara deñizde NATO ülkelerniñ daimiy bulunuvınıñ kerekligi aqqında bildirgen. 

“Tek qaradeñiz ülkelerniñ olmağan vilâyet işdeşligi. Şimdi böyle işdeşlikniñ modalligi aqqında tüşünemiz. Cenk şaraitlerde onıñ tabiatı sıñırlağanı malüm. Amma Qaradeñizde NATO ülkelerniñ daimiy bulunuvınıñ olması kerek dep tüşünemiz. O, umumiy patruliniñ, Qara deñiz suvlarına dair umumiy vazifesi kibi minalardan temizlüviniñ olması mümkün”, - qayd etti o ve Ukraina forumda bu eki vazifesini tarqatqanını dep qoştı. 

Tafsilâtlıca oquñız: Ukrainada işğal etilgen Qırımda RF QDB yerleştirüvi aqqında añlaşmasınıñ lâğu etilmesine azırlanalar

Öz nevbette, Avropada AQŞ ordusınıñ sabıq reberi, istifalı generalı Ben Göces, Qırımda RF Qaradeñiz bahriyesini mahv etmesinde Ukrainağa AQŞ yardım etmek kerek olğanlarını dep tüşüne. 

“Ukrainler arbiy yedeklerni büyük miqdarında qullanğanlarına köre, olarnıñ qıtlığı bar olmasını belley edim. Memuriyet, olarnı tek büyük miqyaslarda alıp bermek degil, F-16 ya da yardım etmek kerek olğan başqa uçaqlarnıñ alıp berüv meselesini baqmaq kerek. F-16 yoq eticileri ya da ATACMS taktik raketalar, techizler ya da Rusiyeni Qırımnı öz raketalarnı uruşlarnı yapmağa yeri olaraq qullanmamağa mecbur etmege yardım etken uzaq mesafeli büyük muayen usullarnıñ farqlı çeşitlerni alıp bermek kerekmiz. Qaradeñiz bahriyesi, Aqyarda tura, gemiler Qara deñizge çıqıp ukrain evleri boyunca raketalarnı atalar, soñra ise limanğa qaytalar. Qaradeñiz bahriyesini ya da Aqyarda bulunğan Rusiye AAQ ya da Qırımdan çıqarılğan uçucısız uçaq aletlerni toqtatmağa yardım etsek?”, - qayd etti o “Amerikanıñ sesi” gürci hızmetiniñ intervyüsinde. 

​Bizni Telegram'da oquñız