2022 senesi çiçek aynıñ 13, bundan evel rusiye-gürci cenkinde ve Suriye territoriyasında rusiye arbiy areketlerinde iştirak etken, Zmeinıy adasınıñ yanında   “Moskva” duşman gemisi, ukrain territorial suvlarında arsız tarzda bulunğan edi. Geminiñ esas maqsadı - duşman gemilerniñ yeñilmesi ve desantqa destegi. Kenarda gemi, top ve zenit silânı ve qanatlı raketalar içün işletüv tertibatlarnı taşığan edi. 

Baştan bu gemi boyunca ukrain arbiyleri belli sözler ile mahv ettiler. Soñra ise arbiylerimiz gemilerge qarşı ukrain raketalar ile urğanlar. “Moskvanı” “Ukroboronprom” DK işhanelernen işlep çıqarılğan “Neptun” yalı raketalı kompleksinden çıqarılğan eki raketasınen yoq etilgen ediler. 

Tafsilâtlıca oquñız: Ukraina Mudafaa nazirligi, RF QD gemileri içün “sürprizni” yayınlağan

Ukraina MN İstihbaratınıñ baş idaresi, öz Telegram-kanalında tarif etkeni kibi, bu vaqia, RF’nen cenkte büyük muvafaqiyeti olghan. O, USQ’ne böyle fırsatlarnı bergen:

• Zmeinıy adasını serbest etmek;
• rusiyelilerni gemi ticaret yollarını açtırmaq;
• Qaradeñiz akvatoriyasından telükeler seviyesini azlaştırmaq;
• duşmannıñ ahlâqiy-ruhiy alını mahv etmek;
• Qırımnıñ serbest etüvi qaçınılmaz dep rusiyelilerni inandırmaq.

“Ukrain istihbaratınıñ hadimleri “Moskva”nıñ yoq etüvine alâqalı olğan arbiylerni ve bütün ukrainlerni müim ve sınıq vaqianıñ yıllığınen hayırlaylar! Bunı battırdıq - başqasını da batırarıq!”, - qayd ettiler Ukraina MN İBİ’de. 

Belli olğanı

• 2022 senesi çiçek aynıñ 13 ukrain arbiyleri “Moskva” gemisini ciddiy tarzda bozdılar, netice olaraq - onı batırdılar. 
• İşğal etilgen Aqyarğa rusiye “Moskva” gemisinden 14 deñizcisi kelgen. Rusiye arbiyleri yalığa tezleştirgen gemisinde kelgenler. Ekipajnıñ daa 496 azasınıñ taqdiri belli degil.

Bizni Telegram'da oquñız