Bunıñ aqqında faalniñ advokatı, “Qırım. Aqiqatı” neşriyatınıñ tefsirinde çiçek aynıñ 12 tarif etken. 

“Rolannen beraber makemege keldik, amma pasport nezaretini keçkence, kabinetke köterilgence biz olmağanca protokolnı endi baqıp olğanlarını ve makemeci endi şuralar odasında bulunğanını bildirdiler”, - qayd etti uquqçı. 

Protokolnı bu yıl saban aynıñ ortasında “E merkeziniñ” hadimleri tintüvlerden soñ onı tutıp alğanları soñ tizgenler.

Tafsilâtlıca oquñız: Qırımnıñ Aqmescit rayonında işğalcılar jurnalist Rolan Osmannıñ evinde tintüv keçirdiler

“Bu alda - kiçik yaramazlıq. Rolannı, o, internette birazdan yaramazlıq yapqanında qabaatlaylar. Rolan, keçken yıl küzde keçirilgen qısmiy mobilizatsiyasına dair öz fikirni bildirgen edi eken. O, Qırımdan insanlarnıñ büyük qısmınıñ, ayrıca qırımtatarlarnıñ çıqıp ketüvine dair fikirini bildirgen edi”, - qayd etti “makemeniñ” böyle qararına şikâyet etmege planlaştırğan advokat. 

Rolan Osmanov, davanı “saçmalı” ve qırımtatarlar içün “ifade etüv çerçivelerniñ” yaratuv ıntluvı olğanını saya.

Belli olğanı

• Rolan Osmanov, Han sarayı yanında keçirilgen piketlerniñ faal iştirakçısı ola. Tamir etüv tarzında onıñ yoq etüvine qarşı çıqqan edi. Faal, Qırımda siyasiy sebeplerden keçirilgen makeme oturışlarnı muntazam sürette ziyaret ete. 
• 2019 senesi “operativ-teşkerüv tedbirleri” endi keçken edi. İşğal quvetçileri o vaqıt bildirgenleri kibi, narkotiklerni qıdıra ediler eken, amma bir şeyni tapmayıp evni qaldırdılar. 
• 2022 senesi oraq aynıñ 13 Qırımdaki işğalcılar jurnalist Rolan Osmannı tevqif ettiler. Onı RF CK 20.3.3 maddesine köre Rusiye Federatsıyasınıñ Silâlı Quvetleriniñ qullanuvınıñ diskreditatsıyasına yöneliş tutqan halq ögünde yapılğan areketlerinde qabaatlaylar. 
• Soñra Rolan Osman, “E” merkeziniñ hadimleri oña RF ordusını desteklemek maqsadınen video muracaatını yazmağa teklif etkenlerini tarif etti. 
• 2021 senesi ilk qış ayında Kiyev işğal “makemesi”, faalnı ilk küz aynıñ 4 Aqmescitte “FTH bölügi” yanında qırımtatarlarnıñ kütleviy toplaşuvlatında iştirağı içün 15 biñ ruble (tahminen 7 716 biñ grivna) ödetti. O vaqıy o, mitingge grajdan jurnalisti olaraq kelgen, netice olaraq ise - onlarca insannen tutıp alınıp “polis bölügine” alıp ketirilgen edi. Keççe onıñ adına memuriy protokolını tizdiler ve biraz soñra “makeme” olundı. Diñlev ceryanı aqqında tesadüfen haber alğan. 

Bizni Telegram’da oquñız