Bunıñ aqqında “Qırım birdemligi” bildire. 

İmaye tarafı, sıñırlama tedbirini ev tevqifine deñiştirmege rica etken edi. Figurantlar, olarnıñ cinaiy davasında tevqifte kerekligi olmağanını makemede tasdıq ettiler. Amma makemeci, prokurornıñ şefaatınen razı olğan, buna köre, qırım faallerine sıñırlama tedbirini uzatqanlar. 

“Amma aqaylar yahşı dayanıp küleler. Er kesni Ramazan ayınen hayırlap orazanı tutalar, asret çekmeyler. Aqayımnı eyi alda körip sakin oldım”, - qayd etti Zavur Abdullayevniñ ömür arqadaşı Emine. 

Tafsilâtlıca oquñız: 10 yılğa mahküm etilgen qırım tatarı Dilâver Gafarovnı Stavropol diyarınıñ taqiqat cezahanesine yerleştirdiler

Belli olğanı

• 2021 senesi arman aynıñ 17 Qırımda FTH, EQM ve AMPT, Qırımnıñ Aqmescit ve Bağçasaray rayonlarında ve Aqyarnıñ Balıqlava ve Nahimov rayonlarında qırımtatarlarnıñ evlerinde kütleviy tintüvlerni keçirdiler. İşğalcılar beş yerli sakinini tutıp alğanlar. 
• Nahimov rayonında Rustem Murasov ve Rustem Tairovnı tutıp aldılar, balıqlava rayonında - Cebbar Bekirovnı, Bağçasaray rayonında Zavur Abdullayevni, Aqmescit rayonında ise - Rayif Fevzini. 
• 2016 senesi uvut ayında Rustem Murasovnıñ ilk tintüvi edi. Onı tutıp aldılar, amma soñ çıqardılar. Amma bu sefer erkekni, destek maqsadınen  qırımtatarları üzerinde Rostov-na-Donudaki makemesinden onıñ qaytuvından soñ tintüv vaqtında tutıp aldılar. 

Bizni Telegram'da oquñız