Bunıñ aqqında Evocation.info bildire. 

Böyleliknen, keçken yılnıñ orta küz aynıñ başında Herson vilâyetindeki maarif işğal naziri, Aqyarnıñ maarif bölgesiniñ sabıq müdiri, rusiyeli Mihail Rodikov, Qırımda ve Rusiyeniñ territoriyasında medeniy-tasil deñişüvlerni teşkil etmege “emir etken”. 

““Qırımda eki aftalıq raatlığına” balalarnıñ alıp çıqarılmasınıñ azırlanuvınen işğalcılarnıñ tarfdarı, “evakuatsiya etilgen ukrainlerniñ” meseleleri boyunca Saldo satqınnıñ muavini Tatyana Küzmiç oğraşqan edi. Daa büyük miqyaslı ücüminden evel UTH, Küzmiçni devlet hainliginde şübelegen. Oña FTH faydasına casuslığını yazdırğan ediler. Hersonnıñ işğalinden soñ RF terroristleri onı daa büyük vazifesine tayin etkenler”, - qayd ettiler jurnalistler. 

Tafsilâtlıca oquñız: Herson vilâyetine RF arbiylerinen alıp çıqarılğan 24 balanı qaytardılar

Daa, o vaqıt işğal etilgen Hersondan balalarnıñ sürgünliginen işğalcılarnıñ başqa tarafdarları da oğraşqan edi. Böyleliknen, rusiyelilernen “Hersondaki maarif nazirliginiñ terbiyelev bölgesiniñ reberi” olaraq tayin etilgen sabıq ocası Alla Revko, yarımadağa ve Rusiyege çıquvına gruppalarnıñ teşkil etilmesi içün mesülietli edi. 

Bunen beraber “Herson milliy tehnikiy universitetiniñ rektorı” Galina Rayko, studentlerge yarımadağa “eki aftalıq raatlığına” kezintüvlerni teklif etken edi. Aliy oquv yurtlarınıñ ocaları vekâletnamelerni sahteley ediler. 

Gece orta küz aynıñ 7 balalarnı Kezlevge ketirip üç sanatoriyge yerleştirdiler: “Solneçnaya Tavrika” işğal işhanesine kirgen “Meçta”, “Drujba” ve “Luçistıy”. Bu iş hanesini 2015 senesinden beri 68 yaşında olğan ve 2014 senesine qadar Aqmescitte yaşap ukrain vatandaşı olğan Rusiyeniñ Lipetsk vilâyetindeki Yelts asılı Ukrainanıñ haini Lüdmila Yermakova idare ete. Şimdi o, “Yekâne Rusiye” fırqasına kire. Hain, Qırımda ukrain balalarnıñ üzerinde işkenceler içün şübesiz mesülietli ola, dep bildireler jurnalistler. 

Tafsilâtlıca oquñız: Qırımda hırsızlanğan ukrain balalarnı sabıq “berkut” hadimi urğan edi - The Insider

“Kelecek künniñ sabasına ukrain balalarnı rf bayrağı astında “tedbirli sırasına” tizgenler. Anda Vladimir Saldo çıqışta bulunıp olarğa “âhşı raatlığını” tilegen. O vaqıt balalarnı ileride ne beklegeni aqqında olarnıñ haberi bile olmağan edi. Qırımdan qaytarılıp olğan balalarnıñ ikâyeleri, bu “sanatoriylerde” aqiqaten ne olunğanını ve olarnı anda kerçekten de ne içün alıp ketirgenlerini tayin etmege izin bereler. Elbet de, qara deñiz yalısında eki aftalıq “tatillerden” soñ olarnı evge kimse qaytarmağan. Çoqusı, aqiqaten esir olaraq tahminen yarım yıl içinde beklemek kerek edi. Bazıları alâ daa anda qalğan”, - denile beyanatta. 

Ağda Qırımda işğalcılarnıñ esirinde bulunğan herson balalarnıñ şaitligini tapmaq mümkün. Olarnı kimse qaytarmaycağında inandıra ediler, rusiye ailelerine mecburiy alınması ya da balalar evinen qorquta ediler, rusiye gimni yırlamağa, georgiy şeritlerni kiyip rusiye bayraqlarınen yürmege  mecbur etken ediler, bazı balalarnı “Âş ordusına” “arbiy-vatanperverlik azırlanuvına” yollay ediler. Daa çağına yetmegenlerniñ tecavuzğa oğratılmasınıñ vaqiaları belli.

Menba: evocation.info

Qaytarılğan balalarnıñ sözlerine köre, bulunuvnıñ eñ deşşetli yerlerden biri, “Dostluq” sanatoriyi edi. Anda olarğa ayrı tecavuzınen munasebetinde olğan ediler. Evocation.info bildirgeni kibi, sanatoriyniñ müdiri - işğalden evel “Agroyügservis” üst urbasınıñ işlep çıqarılması boyunca şirketini idare etken 51 yaşında olğan Kezlev asılı Konstantin Ponomarenkodır.  

“Arzu” lageri de herson balalarnıñ deşetli bulunuv şaraitlernen farqlanılğan. Müdiri - 59 yaşında olğan işğalden evel Kefede yaşağan ukrain vatandaşı Rusiyedeki Kostromsk vilâyetiniñ asılı olğan Marina Yemelyanovadır. O, “Voshod” şahsiy sanatoriyde ve “Tatius” ve “Avi” işhanelerde çalışmaqta edi. 

“Luçistıy” sanatoriyde de balalarnı tutqan ediler. Olarnıñ reberi, hersondaki işğalcılarnıñ tarafdarı Tatyana Küzmiçniñ 2023 senesi uvut ayında olğan ziyareti vaqtında 2023 senesi uvut ayında ana-babalarnıñ episi, “olarnıñ balalarına diqqatlı munasebeti içün memuriyet ve ocalarına minnetdar olğanlarını” ilân etken Lolita Manilenko ola. 

Tafsilâtlıca oquñız: Qırımğa biñlerce ukrain balanı alıp köçürmege yardım etken: işğalcılarnıñ tarafdarını 5 yılğa azatlıqtan marum etüvi bekley

“Lolita Manilenko, Donetsk vilâyetindeki Dokuçayevsk şeerinde doğğandır. Qırımnıñ işğalinden evel Aqyarda yaşay edi. 2000 senelerniñ başlanuvında aqyar mekteplerde, “Fora-Briz” ve “Larant-LTD” işhanelerde çalışmaqta edi. 2010-2013 yıllar içinde şahsiy iş adamı olıp bala aşayt mallarnıñ işlep çıqarılmasında ihtisası olğan edi. Soñki vaqıt içinde Aqyar ve Kezlev arasında yerleştirilgen “Delfin” lageriniñ reberi kibi resmiyleştirilgen edi”, - soraştırıp bildiler jurnalistler. 

Qayd etilgen lagerlerden ğayrı, herson balalarnı evelden Rusiyede yaşağan Lugansk vilâyetiniñ asılı Sergey Nazriyevnen idare etilgen “Zdravnitsa” sanatoriyde de tutqan ediler. Evelden o, Krasnodarsk diyarında Abrau-Dürso köyüniñ memuriyetini idare etken edi, 2016 senesi ise - Kezlevge köçip sanatoriy müdiri ve “Yekâne Rusiyeden” işğal şeer şurasınıñ deputatı olğan. Oğlusı, Aqmescitniñ “memuriyetinde” çalışa. 

Tafsilâtlıca oquñız: Ağda qırım bala evinde tutılğan farqlı saqatlıqlarınen Hersondaki balalarnıñ cedveli peyda olğan

Menba: evocation.info

Belli olğanı

• Ukrainağa miqyaslı rusiye ücüminden beri işğalcılar 4 aydan 17 yaşına qadar eñ azdan 6 biñ ukrain balanı işğal etilgen Qırımda ve RF territoriyasında “terbiyelev ve vasiylik merkezlerniñ” ağına yerleştirdiler.

Bizni Telegram'da oquñız